29 qarasha kúni Qazaq ulttyq qyzdar pedagogıkalyq ýnıversıtetinde Qazaqstan Respýblıkasy Parlamenti Májilisiniń depýtaty Ashat Aımaǵambetovpen kezdesý ótti.
Kezdesýge Basqarma Tóraǵasy – Rektory Gúlmıra Qanaı, ýnıversıtettiń professorlyq-oqytýshylyq quramy, stýdentter, magıstranttar jáne doktoranttar qatysty.
Sharanyń basty maqsaty – joǵary bilim berý salasyndaǵy ózekti máselelerdi talqylaý, pedagogıka jáne bilim berý salasyndaǵy reformalardy jetildirý joldaryn qarastyrý, sondaı-aq zańnamalyq deńgeıde bilim sapasyn arttyrýǵa baǵyttalǵan usynystardy tyńdaý.
«Qazaq ulttyq qyzdar pedagogıkalyq ýnıversıtetin 80 jyldyq mereıtoıymen shyn júrekten quttyqtaımyn. Bul kúnge úlken dárejede, abyroımen jetkenine kýá bolyp otyrmyn. Bilim alýǵa barlyq múmkindik jasalǵan. Ýnıversıtettiń bilim berý mazmuny da, materıaldyq-tehnıkalyq bazasy da jańarǵan. Pedagogıkalyq mamandyqty tańdaǵan úzdik, myqty, kózi janyp turǵan jastar osy ýnıversıtetke túsip jatyr. Bul – elimizdiń ári qaraı damýyn bildiredi, senim uıalatady», – dedi QR Parlamenti Májilisiniń depýtaty Ashat Aımaǵambetov.
Jıynda pedagogıkalyq etıka, akamedııalyq adaldyq, sonymen qatar joǵary bilim berý salasyndaǵy ózekti máseleler jan-jaqty talqylandy.
Erkin formatta ótken kezdesýde jastar ózderin tolǵandyrǵan máselelerdi qozǵady. Qatysýshylar Májilis depýtatyna kókeıkesti suraqtaryn qoıyp, naqty jaýaptar aldy.
«Búgingi kezdesýde QR Parlamenti Májilisiniń depýtaty Ashat Aımaǵambetovke ózimdi tolǵandyrǵan suraqty qoıdym. Meni alańdatqan suraq aımaqtardaǵy bilim berý sapasyn jaqsartý máselesi boldy. Ashat Qanatuly aýyl balalarynyń bilim sapasyn qoldaý maqsatynda birqatar joba bar ekenin aıtty. Suraǵyma naqty jaýap alǵanyma qýanyshtymyn», – dedi Fılologııa ınstıtýtynyń «Shetel tili: eki shetel tili» bilim berý baǵdarlamasynyń 4 kýrs stýdenti Ajenova Uldamet Bahytqyzy.
Kezdesý aıasynda Májilis depýtaty Ashat Aımaǵambetov Seraly Qanıev atyndaǵy Qazaq ulttyq qyzdar pedagogıkalyq ýnıversıtettiń ǵylymı kitaphanasy men basqa da jańa mańyzdy nysandardy aralap, bilim ordasynyń tynys-tirshiligimen tanysty. Sonymen qatar ýnıversıtettiń aldaǵy ýaqytta da sapaly bilim berý isindegi róliniń arta túsetinine senim bildirdi.
