R.B.Súleımenov atyndaǵy Shyǵystaný ınstıtýty men Vatıkan Apostoldyq arhıvi jáne Vatıkan Apostoldyq kitaphanasy arasyndaǵy 2022 jyly qol qoıylǵan iskerlik-áriptestik kelisimderdi júzege asyrý maqsatynda Qazaqstannan Vatıkanǵa qazaqstandyq ǵylymı delegaııa keldi. Bul týraly Ǵylym jáne joǵary bilim mınıstrligi málimdedi, - dep habarlaıdy "Adyrna" ulttyq portaly turkistan.today-ge siltep.
Qazaqstandyq delegaııany Vatıkan Apostoldyq arhıviniń vıe-prefekti Doktor Paolo Vıan (Dott. Paolo Vian) men Vatıkan arhıviniń ǵylymı qyzmetkeri, professor Enrıko Flaıanı (Prof. Enrico Flaiani) qabyldady.
Bul kezdesýge Qazaqstan tarapynan QR Ǵylym jáne joǵary bilim vıe-mınıstri Darhan Ahmed-Zakı, Qazaqstan Respýblıkasynyń Shveıarııa Konfederaııasyndaǵy, Qasıetti Taqtyń janyndaǵy, Lıhtenshteın Knıazdigindegi jáne Malta Ordenindegi Elshisi Qaırat Sarjanov, R.B.Súleımenov atyndaǵy Shyǵystaný ınstıtýtynyń Bas dırektory, fılologııa ǵylymdarynyń doktory, professor Dúken Másimhanuly, ǵylymı joba jetekshisi, tarıh ǵylymdarynyń doktory, professor, QR UǴA Qurmetti akademıgi, belgili ǵalym Qalqaman Jumaǵulov, PhD, professor Nurtas Abdımomynov, PhD, qytaıtanýshy Aınur Ábıdenqyzy, aǵa ǵylymı qyzmetker Baǵdat Dúısenovter qatysty.
Kezdesýde QR Ǵylym jáne joǵary bilim vıe-mınıstri Darhan Ahmed-Zakı Vatıkan kitaphanasy men arhıv qorlarynda saqtalǵan qundy qoljazbalardy zertteý arqyly túrki áleminiń baı tarıhyn tanýǵa bolatynyn jáne onyń mańyzdylyǵyn, sonymen qatar, Memleket basshysy Qasym-Jomart Toqaevtyń jyl basynda Italııaǵa resmı sapary aıasynda Vatıkanǵa baryp, Rım Papasy Franıskpen kezdesý nátıjesinde qazaqstandyq ǵalymdardyń Vatıkan muraǵattary men kitaphanalaryn paıdalaný úshin kelisimge qol jetkizgenin atap ótti.
Shyǵystaný ınstıtýtynyń Bas dırektory, professor Dúken Másimhanuly eki eldiń ǵylymı mekemeleri arasyndaǵy yntymaqtastyq qazaqstandyq ǵalymdardyń sırek kezdesetin qoljazbalarǵa erkin qol jetkizýine zor múmkindik beretinin jáne túrki álemi men Qazaqstan tarıhy týraly tyń derekter ǵylymı aınalymǵa qosylatynyn atap ótti.
Kezdesý barysynda vıe-prefekt Doktor Paolo Vıan men professor Enrıko Flaıanı qazaqstandyq delegaııany erekshe yqylaspen qarsy alyp, olardyń ǵylymı bastamalaryn qoldaýǵa daıyn ekenin bildirdi. Qazaqstan tarapynan ǵylymı izdeniske baǵyttalǵan jańa bastamalarǵa ystyq yqylas tanytyp, ózara qarym-qatynastar men ǵylymı, mádenı baılanystardy damytýǵa daıyn ekenin jetkizdi.
