Memlekettik satyp alý – jańashyldyqtardy, ozyq tehnologııalar men otandyq óndiristi ilgeriletýge yqpal etetin tıimdi tetik. Osyǵan oraı QR Qarjy mınıstrligi óńirlerde «Memlekettik satyp alý týraly» Zańdaǵy negizgi ózgeristerdi túsindirýge arnalǵan bıznes ókilderimen, memlekettik sektormen jáne azamattyq qoǵammen ókilderimen kezdesýler ótkizýdi jalǵastyryp keledi.
Bul joly kezekti kezdesý Óskemende ótkizilip, Qarjy vıe-mınıstri Dáýren Keńbeıl men Shyǵys Qazaqstan oblysy ákiminiń orynbasary Darhan Sapanov memlekettik satyp alý arqyly otandyq taýar óndirýshilerdi qoldaý túrleri týraly aıtyp berdi. Is-sharaǵa Shyǵys Qazaqstan men Abaı oblystarynyń bıznes qaýymdastyǵy, sondaı-aq memlekettik organdardyń, bıýdjettik uıymdardyń, ShOB pen «Atameken» UKP óńirlik fılıalynyń ókilderi qatysty.
Dáýren Maratuly aıtqandaı, Memleket basshysy Qazaqstan halqyna Joldaýynda otandyq bıznestiń sapaly damýyn yntalandyryp, qoldaýdy tapsyrǵan bolatyn. Osy turǵydan alǵanda «Memlekettik satyp alý týraly» Zań atalǵan mindetti oryndaýdaǵy mańyzdy qural bolyp sanalady.
«Memlekettik satyp alýdyń ashyq jáne jaqsy uıymdastyrylǵan júıesi proestiń barlyq múddeli tarabyna, onyń ishinde memlekettik sektorǵa, bıznes pen azamattarǵa tıimdi. Óıtkeni bul básekelestiktiń artýyna jáne kórsetiletin qyzmetter men taýarlardyń sapasyn jaqsartýda septigi zor. Mysaly, satyp alýǵa qatysýshylardyń biliktiligin arttyrý úshin tıisti bedeli bar óndirýshiler arasynda satyp alýdy júzege asyrý usynylady. Óndirýshi týraly aqparat túrli derekqorlardy paıdalana otyryp qalyptastyrylady. Bul qyzmet kórsetýshilerdi avtomatty túrde tańdaýǵa kóshýge múmkindik beredi», dedi Qarjy vıe-mınıstri.
Budan basqa otandyq taýar óndirýshilerdi qoldaý maqsatynda Qarjy mınıstrligi tek shaǵyn jáne orta kásipkerlik sýbektilerinen satyp alynatyn taýarlardyń, jumystar men kórsetiletin qyzmetterdiń jekelegen tizbesin bekitti.
Zańnyń birneshe bólimi satyp alý proedýrasyn jeńildetýge baǵyttalǵan, bul olardy qysqa merzimde ótkizýge múmkindik beredi. Budan bólek tapsyrys berýshilerdiń joǵary talaptardy belgileý faktilerin boldyrmaý maqsatynda qoldanystaǵy kameraldy baqylaýdy saqtaý josparlanǵan. Bul rette ýákiletti organ tarapynan satyp alý qorytyndylarynyń kúshin joıý quqyǵy alynyp tastalǵanyn aıta keteıik.
Mundaı kezdesýler mınıstrliktiń isker ortamen ózara is-qımyldy nyǵaıtý men barlyq múddeli tarap úshin qoljetimdi aqparatty qamtamasyz etý jónindegi strategııasynyń mańyzdy bóligi bolyp sanalady. Vedomstvo Qazaqstan ekonomıkasyn damyta otyryp, memlekettik satyp alý júıesiniń tıimdiligin arttyrý men ózekti máselelerdi birlesip sheshý úshin kásipkerlermen, iri bıznes ókilderimen jáne qoǵamdyq birlestiktermen júıeli dıalog ornatýdy jalǵastyryp keledi.
Is-sharadan keıin D.Keńbeıl eki kásiporynǵa aıaldady: Óskemen ónerkásip armatýra zaýyty men «Raýan» tigin kompanııasy.
Óskemen ónerkásip armatýra zaýyty (ÓÓAZ) – munaı jáne gaz qubyrlary, hımııa jáne metallýrgııa kásiporyndary, energetıka kesheni jáne TKSh kásiporyndaryna, sondaı-aq munaı salasyna arnalǵan jabdyqtar men qubyr armatýrasyn óndirýmen aınalysady. Zaýyttyń jobalyq qýaty jylyna 1834 tonna daıyn ónim shyǵarýǵa qaýqarly. Kásiporyn Qazaqstannyń kómirsýtegi sektorynyń iri kompanııalaryn: «Ózenmunaıgaz» AQ, «Qazgermunaı» BK JShS «Embimunaıgaz» AQ, «Mańǵystaýmunaıgaz» AQ, «QazTransOıl» AQ, «SNPS-Aqtóbemunaıgaz» AQ, «Qarajanbasmunaı» AQ, «Qarashyǵanaq Petrolıým Opereıtıng B. V.» ZT AQ, «MunaıTas Soltústik-Batys qubyr kompanııasy» JShS, «Intergaz Ortalyq Azııa» AQ jáne basqalar uıymdardy jabdyqtarmen qamtamasyz etip keledi.
«Raýan» ÓKK» JShS – arnaıy kıim tigetin kásiporyn, sondaı-aq Qazaqstandaǵy erekshe balalarǵa arnalǵan kıim shyǵaratyn jalǵyz óndirýshi bolyp sanalady. Munda erebraldy sal aýrýy bar balalarǵa belsendi ómir saltyn júrgizýge kómektesetin beıimdelý zattary jasalyp, tigiledi. Ónimdi jasaý kezinde qoldanylatyn barlyq zat yńǵaıly jáne erekshe balalardyń qajettilikterin eskeredi. Óskemen tıtan-magnıı kombınaty «Raýan» ÓKK arnaıy kıimderin kóterme baǵamen alatyn tapsyrys berýshileriniń biri. Qazaqstandaǵy taǵy bir iri kásiporny úshin munda arnaıy kıim toptamasy jasalyp daıyndalǵan.
