Burynǵy Almaty ákimi Baýyrjan Baıbek «Bolashaq» baǵdarlamasynyń túlekteriniń jarqyn ókili ári «eski Qazaqstannyń» belgili tulǵalarynyń biri. Eks-ákimniń jumysy jıi synǵa ilikken, dep habarlaıdy “Adyrna” ulttyq portaly CMN.KZ redakııasyna siltep.
Ol Almaty sekildi qarjy ortalyǵynyń ákimi ǵana emes, uzaq ýaqyt boıy «Nur Otan» partııasy tóraǵasynyń birinshi orynbasary qyzmetin atqarǵan. Alaıda Qańtar oqıǵasynan keıin eks-ákimniń qyzmeti jıi synǵa alynyp, oǵan qatysty tergeý bastaldy degen qaýesetter tarady.
Tergeý tirkelmegen
29-30 qazan kúnderi Qazaqstannyń Qarjylyq monıtorıng agenttigi men Sybaılas jemqorlyqqa qarsy is-qımyl agenttigi redakııanyń saýalyna jaýap berip, Baıbekke qatysty qylmystyq isterdiń joq ekenin málimdedi.
«Baýyrjan Baıbek QMA óndirisindegi isterdiń fıgýranty emes ekenin habarlaımyz», - delingen.
«Qazirgi ýaqytta Antıkordyń jáne onyń aýmaqtyq bólimsheleriniń óndirisinde Baýyrjan Baıbekke qatysty qylmystyq ister joq», - delingen Antıkor habarlamasynda.
Qarasha aıynyń basynda Ishki ister mınıstrligi (IIM) de jaýap berdi, biraq eks-ákimniń aty-jónin naqty atamady.
«Atalǵan tulǵaǵa qatysty tergeý tirkelmegen», - delindi jaýapta.
Al Ulttyq qaýipsizdik komıtetinen (UQK) áli jaýap túspegen.
Qoǵamdyq pikir: Baıbekke kúdik bar ma?
Mıhaıl Kozachkovtyń Telegram arnasynda 5 qarasha kúni Baýyrjan Baıbekke qatysty jemqorlyq kúdigi týraly aqparat jarııalandy. Onyń aıtýynsha, eks-ákimniń Almaty ákimi bolyp turǵan kezdegi áreketteri tekserilip jatyr.
Baıbek otbasynyń múlki: sheteldik aktıvter bar ma?
Baýyrjan Baıbektiń ózi aktıvterge ıelik etkeni baıqalmaǵan. Ol áli de «Bolashaq» halyqaralyq stıpendıattar qaýymdastyǵynyń teń quryltaıshysy bolyp tabylady. Degenmen, onyń ákesi Qydyrǵalı Baıbek pen anasy Altynaı Baıbektiń Qazaqstandaǵy birqatar elıtalyq jyljymaıtyn múlikke ıelik etetini belgili.
Ákesiniń jyljymaıtyn múlki:
1. Almaty:
- Esentai Apartments: 2015 jyly 485,8 sharshy metrlik penthaýs (507 mln teńgege).
- «TAŃ NURY» TK: 2016 jyly 544,8 sharshy metrlik penthaýs (192,8 mln teńgege).
2. Astana:
- 2021 jyly Green Village» turǵyn úı kesheninde eki elıtalyq páterge (220,1 jáne 247 sharshy metr) ıelik etti.
Anasynyń jer telimi:
2023 jyly Altynaı Baıbek Aqmola oblysy Qyzyljar aýylyndaǵy jer teliminiń maqsatyn ózgertip, «ǵımarattardy paıdalaný» kategorııasyna ótkizgen. Jalpy aýdany – 1,1706 gektar.
