Qarashanyń 19-y kúni jelide «Ózenmunaıgaz» basqarmasynyń tóraǵasy Janbolat Saımaǵambetov ereýilshilerdiń birine balaǵat sózder aıtyp qorqytqany týraly vıdeo tarady. «Ózenmunaıgaz»kompanııasynyń basqarma tóraǵasy Janbolat Saımaǵambetov narazylyq bildirýshi jumysshyǵa til tıgizip, «Ákimshilik quqyq buzýshylyqtar týraly» kodeksiniń (ÁQBtK) jáne Qazaqstan Respýblıkasynyń Qylmystyq kodeksiniń (QK) keminde úsh babyn buzǵanyn anyqtaldy, dep habarlaıdy “Adyrna” ulttyq portaly QazTAG agenttigine siltep.
Saımaǵambetov áleýmettik jelide taraǵan vıdeoda ereýilshilerdiń birine oryssha, qazaqsha aralas dóreki túrde «Qazir osy jerde mynany byt-shyt ǵyp, kúl-talqanyn shyǵaramyn» degen maǵynada boǵaýyz sózder aıtqan.
Sózdiń maǵynasynaa qaraǵanda Saımaǵambetov qyzmetkerdi balaǵattaýy ereýilshige fızıkalyq kúsh kórsetý men tikeleı qorqytý sanatyna jatady.
Iaǵnı, «Ózenmunaıgaz» kompanııasynyń top-menedjeriniń áreketinen Qazaqstan Respýblıkasy Qylmystyq kodeksiniń 115 (qorqytý) jáne 131 (qorlaý) baptarynyń, sondaı-aq 434-babynyń 1-bóliginiń (usaq buzaqylyq kórinis tapqan) zań buzýshylyqty kórýge bolady.
Aıta keteıik, polıııa qoǵamdyq orynda ádepsiz sózderge quqyq buzýshylyq faktisi boıynsha áreket etedi, ıaǵnı Saımaǵambetovke qatysty eń bolmaǵanda ákimshilik quqyq buzýshylyq týraly is qozǵalýy kerek edi, al qylmystyq is qozǵaý máselesi ashyq kúıinde qalyp otyr.
QazTAG redakııasy túsinikteme alý úshin Qazaqstannyń Ishki ister mınıstrligine habarlasty.
Esterińizge sala keteıik, 12 qarashada «Ózenmunaıgaz» AQ-na qyzmet kórsetetin «Burǵylaý jumystaryn basqarý» seriktestiginiń jumysshylary mıtıngige shyqqan bolatyn. Jergilikti «Lada» basylymynyń jazýynsha, olar basshylyqqa jarty jyldan beri talaptaryn aıtyp keledi, biraq ony oryndaýǵa eshkim asyǵar emes.
Ereýilge shyqqan «Ózenmunaıgaz» jumysshylary alty talap qoıdy.
