UTC+5 ýaqyt beldeýine kóshý – el úshin tarıhı negizdelgen ýaqytqa oralý. Bul týraly úkimet otyrysynda Saýda jáne ıntegraııa mınıstri Arman Shaqqalıev aıtty, dep habarlaıdy “Adyrna” ulttyq portaly.
«UTC+5 ýaqyt beldeýi el halqynyń 76%-dan astamyn qamtıtyn Astana, Almaty, Petropavl, Óskemen, Shymkent, Semeı jáne Pavlodar qalalaryn qosa alǵanda, 67,5-ten 82,5 gradýsqa deıingi boılyqtardy qamtıdy (15,24 mln adam). Qazaqstan aýmaǵynyń kóp bóligi is júzinde besinshi saǵattyq beldeýde boldy.
Burynǵy keńeıtilgen ýaqyt beldeýi UTC+6 alǵash ret 1930-1931 jyldary jazǵy ýaqytty («standartty ýaqyt + bir saǵat») paıdalaný arqyly engizilgen. Osylaısha, UTC+5 – elimiz úshin jańa aımaq emes, tarıhı negizdelgen ýaqytqa oralý», - dedi seısenbi kúni úkimet otyrysynda Saýda jáne ıntegraııa mınıstri Arman Shaqqalıev.
Onyń aıtýynsha, búginde álemdegi 195 eldiń 117-si standartty ýaqyt beldeýine barynsha jaqyn geografııalyq ýaqytty tańdaǵan.
Ol tabıǵı ýaqytty qoldaýshylardyń halyqaralyq alıansy (IANT) úkimettiń Qazaqstannyń ortalyq jáne shyǵys aımaqtary úshin geografııalyq boılyqqa sáıkes keletin UTC+5 saǵattyq beldeýin belgileý týraly sheshimine oń pikir bergenin aıtty.
«Álemniń kóptegen elderi tabıǵı ıklge barynsha jaqyn ýaqyt beldeýin tańdap qoıǵan. Sondyqtan tabıǵı kún ıkldaryna sáıkes keletin UTC+5 ýaqyt beldeýine kóshý jańalyq emes, tabıǵı ýaqytqa oralýdy bildiredi. Ýaqyt beldeýlerin ózgertý týraly qabyldanǵan sheshim ǵylymı negizdelgen, ekonomıkalyq turǵydan oryndy jáne eldiń tıimdi qyzmet etý múddelerine saı keledi. Ótinishti qaraý nátıjesinde standartty ýaqyt beldeýine barynsha beıimdelý úshin jaǵdaı jasaýǵa baǵyttalǵan naqty usynystar berildi», - dedi Shaqqalıev.
Premer-mınıstr Oljas Bektenov Saýda jáne ıntegraııa mınıstri qazirgi ýaqyt beldeýiniń paıdasyna barlyq jan-jaqty dálelder keltirdi dep sanaıdy.
«Úkimet bul sheshimdi qoldaıdy. Besinshi saǵattyq beldeý geografııalyq turǵydan el aýmaǵynyń kóp bóligin alyp jatyr. Saýda jáne aqparat mınıstrlikterine barynsha túsinikti aqparattyq-túsindirý jumystaryn júrgizýdi tapsyramyn», - dedi Bektenov.
Esterińizge sala keteıik, bıyl 1 naýryzǵa qaraǵan túni Qazaqstan biryńǵaı ýaqyt beldeýine (UTC+5) aýysty. Búginde 7 aı ótti. Saýda jáne ıntegraııa mınıstrligi bul másele boıynsha «qazaqstandyqtar olarǵa birneshe ret júgingendikten» ýaqytty aýystyrý týraly sheshim qabyldaǵanyn aıtady. Sonymen qatar, qazaqstandyqtar el bıliginiń Qazaqstan azamattarynyń kelisiminsiz ýaqytty ózgertýin synaı berýde.
11 qarashada Qazaqstandaǵy ýaqyt birtutas ýaqyt beldeýine kóshkennen keıin Reseıden elektr energııasyn satyp alý kólemi kúrt óskenin habarlandy, biraq eldiń Energetıka mınıstrligi qazaqstandyqtardy saǵat beldeýiniń ózgerýi energııa tutynýǵa áser etpeıtinine sendirýge tyrysýda.
Qarashanyń 15-i kúni Óńdeý ónerkásibi odaǵynyń basqarma tóraǵasy, Almaty jeldetkish zaýytynyń bas dırektory Marat Baqqulov Qazaqstandaǵy ýaqyt ózgerisiniń keleńsiz saldary týraly shaǵymdanǵan.
