Ózbekstan prezıdenti Shavkat Mırzıeev respýblıkanyń jańa shaqyrylymdaǵy Olıı Majlıs (parlament) Zań shyǵarý palatasynyń birinshi otyrysynda sóz sóılep, parlamenttegi oppozıııany jandandyrý keregin aıtty. Mırzıeevtiń sózin onyń baspasóz hatshysy Sherzod Asadov keltirdi, dep habarlaıdy “Adyrna” ulttyq portaly
Fergana.agency agenttiginiń málimetinshe, osyǵan baılanysty prezıdent oppozıııaǵa kepildik berilgen quqyqtar sanyn úshten altyǵa deıin ulǵaıtýdy, sondaı-aq mundaı partııalardyń ókilderine tómengi palata komıteti tóraǵasynyń bir laýazymyn jáne parlament komıtetterindegi eki depýtattyq oryndy berýdi usynǵan.
Mırzıeev eger salaýatty básekelestik pen qarama-qaıshy pikirlerdiń kúresi saılaýdan zań shyǵarý palatasynyń qabyrǵasyna kóshetin bolsa, bul halyqtyń múddesi úshin zańdardy ázirleýge qyzmet etetinin atap ótti.
«Ótken saılaýda saıası partııalardyń baǵdarlamalary men ıdeıalary bir-birinen erekshelenip, ártúrli saıası ıdeologııalardyń kúresi aıqyn kórindi», - dep qosty respýblıka basshysy.
Mırzıeevtiń aıtýynsha, jańa dáýirde parlament naǵyz halyq úıine, al onyń tómengi palatasy – ıdeıalar generatoryna, salaýatty básekelestik pen pikirtalas alańyna aınalýy tıis.
Sondaı-aq Ózbekstan basshysy aldaǵy zań jobalarynyń basym baǵyttaryn atap ótti:
- mindetti medıınalyq saqtandyrý júıesin nyǵaıtý;
- mektep nemese balabaqsha salýdy josparlaǵan ınvestorlardy qoldaý;
- fınteh, startaptar jáne franchaızıng úshin quqyqtyq negiz qurý;
- jasandy ıntellektti retteý;
- energetıkalyq sektorǵa naryqtyq tetikterdi engizý.
Ózbekstan prezıdentiniń Parlamenttiń tómengi palatasy ótken shaqyrylymmen salystyrǵanda 60%-ǵa jańarǵanyn, 63 depýtat qaıta saılanǵanyn, 87-si jańadan kelgenin basa aıtty. Onyń 11-i 35 jasqa deıingi azamattar. Sonymen qatar, depýtattardyń 38%-yn áıelder quraıdy, bul Ortalyq Azııa elderindegi eń joǵary kórsetkish. Sondaı-aq, tarıhta alǵash ret múmkindigi shekteýli azamat mandat aldy.
Otyrysta Zań shyǵarý palatasynyń spıkeri bekitildi. Bul laýazymdy 2015 jyldan beri tóraǵa qyzmetin atqarǵan Nýrıddın (Nýrdınjon) Ismoılov qaldyrdy. Reglamentke engizilgen ózgeristerge sáıkes, spıkerdiń jeti orynbasarynyń ornyna ekeýi ǵana saılanady. Olar Lıberaldyq-demokratııalyq partııanyń ókilderi Mavlýda Hodjaev pen Rahımjon Hakımov boldy.
Vıe-spıkerler ókilettigi kezeńinde saıası birlestikterge músheligin toqtatatyny jáne olardyń parlamenttegi frakııasynyń quramyna kire almaıtyny atap ótilgen.
Ótken aptada Ózbekstan Olıı Majlısiniń joǵarǵy palatasy – Senattyń quramy jasaqtaldy. Qazir ár oblys alty emes, tórt adam saılaıtyndyqtan, senatorlardyń jalpy sany 100-den 65-ke deıin qysqardy.
Aımaqtardan usynylǵan saıasatkerlerden basqa taǵy toǵyzyn prezıdent taǵaıyndady. Onyń ústine, olardyń altaýy ótken shaqyrylymdaǵy Senatta jumys istegen, onyń ishinde eń jas senator, 30 jastaǵy Álisher Sadýllaev ta bar.
Jalpy, respýblıka Ortalyq saılaý komıssııasynyń málimeti boıynsha, parlamenttiń joǵarǵy palatasy músheleriniń 56,6 paıyzy 60 jastan asqan azamattar, 41,6 paıyzy 40 pen 60 jas aralyǵyndaǵy azamattar.
Senatqa dástúr boıynsha Qaraqalpaqstan Joqarǵy Keńesiniń (Ózbekstan quramyndaǵy egemendi respýblıka) tóraǵasy, oblystar men Tashkent qalasynyń ákimderi (ákimshilik basshylary) kirdi.
