Qyzylorda oblysy Shıeli aýdannyń attas kentindegi janarmaı quıý beketinde órt shyǵyp, bir adam zardap shekti. Bul týraly 14 qarasha kúni Tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Málimet boıynsha, gaz-aýa qospasynyń tutanýy keıinnen janýyna ákelip, jalyn jaqyn ornalasqan 2 qabatty ǵımaratqa kóshken.
«Órt sóndirýshiler jaqyn jerde turǵan benzıni bar 20 tonnalyq rezervýardy joǵary temperatýradan jarylýynyń aldyn alý úshin sýmen salqyndata otyryp, 360 sharshy metr aýmaqtaǵy órtti joıdy», - delingen TJM habarlamasynda.
Oqıǵa nátıjesinde 1991 j. t. JMQS qyzmetkeri aýyrlyǵy ortasha dárejede aýrýhanaǵa jatqyzyldy.
