Sý tasqyny kezinde halyqty kómekke shaqyryp, qarjy jınaǵan Perızat Qaırat "qarjy jymqyrdy" degen kúdikke ilindi, dep habarlaıdy "Adyrna" ulttyq portaly.
Qarjylyq monıtorıng agentigi Perızat Qaıratty 1,5 mıllıard teńge urlaǵan bolýy múmkin ekenin habarlady.
Agenttik Perızat Qaırattyń ustalýyna baılanysty ádetten tys kóbirek málimet taratyp otyr. Bul málimetterdiń sot ótpeı jatyp jarııalanýy kóptegen suraq týǵyzady. Agenttiktiń resmı jarııalaǵan aqparatyna qaraǵanda mynandaı jaılar belgili bolǵan.
Perızat Qaırat az ýaqytta:
- Mercedes-Benz S450 — quny 88 mıllıon teńge;
- Lexus LX-600 — quny 80 mıllıon teńge;
- Haval — quny 39 mıllıon teńge turatyn kólikter satyp alǵan bolýy múmkin.
Qymbat kólikterden bólek, Perızat «Akbulak Riviera», «Highvill Ishim Gold», «Kók Jaılaý» sekildi elıtalyq turǵyn úı keshenderinen páterler, sondaı-aq «Vela Village» kottedj qalashyǵynan jyljymaıtyn múlik satyp alǵany aıtylady. Bul múlikterdiń jalpy quny 600 mıllıon teńgeni quraǵan.
Sondaı-aq, onyń Dýbaı, Doha, London, Stambul qalalaryna jıi baryp, «St. Regis», «Shangri-La», «Palazzo Versace», «Kempinski» sekildi besjuldyzdy qonaq úılerde toqtaǵany habarlanǵan. Ataqty «Cartier» men «Louis Vuitton» brendteriniń áshekeı buıymdary men aksessýarlaryn satyp alyp, ıahtada qydyryp, qymbat meıramhanalarda as ishkeni týraly da málimetter de taraǵan.
BAQ-ta taraǵan málimet boıynsha, Perızat Qaırat — «BizBirgemiz Qazaqstan» qaıyrymdylyq qorynyń basshysy. Ol kóktemdegi aýqymdy sý tasqyny kezinde halyqtyń qaıǵysyn aıtyp, prezıdentke beıneúndeý joldaǵan.
Alaıda ol vıdeony kóp uzamaı jeliden óshirgen.
