Búgin aımaq basshysy Nurlybek Nálibaev keshegi Úkimet otyrysynyń kún tártibinde qaralǵan máselelerge qatysty arnaıy jıyn ótkizip, jaýapty sala basshylary men aýdan ákimderine birqatar tapsyrma berdi.
Aldymen oblys ákimi Memleket basshysynyń tapsyrmasymen aımaqqa arnaıy kelgen QR Premer-mınıstri Oljas Abaıuly Bektenovtiń jumys saparynyń qorytyndylary týraly aıtty.
«Memleket basshysynyń tapsyrmasymen keshe oblysqa Úkimet basshysy Oljas Abaıuly Bektenov arnaıy jumys saparmen kelip, aımaǵymyz úshin aýqymdy, tarıhı mańyzdy jobalardyń biri «Qorqyt Ata áýejaıynyń» jańa termınalyn saltanatty túrde ashty. Jeke ınvestor, jerlesimiz «Bolat Ótemuratov qorynyń» demeýshiligimen salynǵan zamanaýı úlgidegi jańa termınalda jolaýshylarǵa barlyq jaǵdaı qarastyrylǵan. Jańa termınal saǵatyna 250 jolaýshyǵa qyzmet kórsetýge, saýda-logıstıkalyq áleýetti damytýǵa jáne jańa reıster ashýǵa múmkindik beredi.
Budan bólek, Úkimet basshysy Qyzylorda qalasy jáne Besaryq aýylyndaǵy birqatar jańa nysandarmen tanysty. Sapar qorytyndysynda aımaǵymyzda atqarylǵan aýqymdy jumystarǵa oń baǵasyn berdi. Bul baǵa barsha jerlesterimizdiń birligi men tatý tirliginiń jemisi dep bilemin. Prezıdentimizdiń Syr óńirine degen erekshe qamqorlyǵy jańa bastamalarǵa jol ashty.
Úkimettik delegaııanyń óńirge jumys saparyn joǵary deńgeıde uıymdastyryp, ótkizýge atsalysqan barsha áriptesterime, zııaly qaýymǵa, BAQ ókilderine, kásipkerler qaýymyna, «Qorqyt Ata áýejaıynyń» ujymyna, Qyzylorda qalasy, Syrdarııa aýdany ákimdikterine shynaıy rızashylyǵymdy bildirip, alǵysymdy jetkizemin», – dedi N.Nálibaev.
Sonymen qatar, aımaq basshysy jylý maýsymyndaǵy órt qaýipsizdigi, halyqty dári-dármekpen qamtamasyz etý máselelerine toqtalyp, jaýapty sala basshylaryna birqatar tapsyrma berdi.
«Jylý berý maýsymynda turǵyndardyń qaýipsizdigin qamtamasyz etý úshin profılaktıkalyq is-sharalardy tııanaqty uıymdastyryńyzdar. Jergilikti buqaralyq aqparat quraldary arqyly tabıǵı gazdy qaýipsiz paıdalaný, onyń ishinde tútin joldary men aýa-jeldetkish kanaldaryn ýaqytyly tazalaý jáne jylý maýsymy kezindegi órt qaýipsizdiginiń talaptaryn saqtaý baǵytynda úgit-nasıhat jumystaryn júrgizińizder.
Respýblıkalyq jáne jergilikti bıýdjet esebinen beriletin tegin dári-dármektiń turǵyndarǵa tolyq jetkizilýin qadaǵalap, toqsan saıyn esebin júrgizińizder. Óńirdegi emdeý mekemelerinde gospıtaldi farmaııa bólimderin ashý máselesin jan-jaqty zerdelep, usynys berińizder», – dedi aımaq basshysy.
