Qytaıdyń ońtústiginde ornalasqan Chjýhaı qalasynda jolaýshylar kóligi kópshilikke soǵylyp, 35 adam qaza taýyp, taǵy 43 adam jaraqat aldy, dep habarlaıdy "Adyrna" ulttyq portaly South China Morning Post-qa silteme jasap.
Oqıǵa 11 qarasha, dúısenbi kúni keshke sport ortalyǵynyń janynda bolǵan. Qaıǵyly jaǵdaı kezinde ol jerde serýendep jáne sportpen shuǵyldanyp júrgen adam kóp bolǵan. Jaraqat alǵandar arasynda qart adamdar, jasóspirimder jáne balalar bar.
Kólik tizgininde 62 jastaǵy tegi Fan degen er adam otyrǵan. Ol qylmys ornynan qashyp ketýge tyrysqan kezde quqyq qorǵaýshylar ony ustap alǵan.
«Polıııa qyzmetkerleri Fannyń kólikte otyrǵan kezde ózine pyshaq jaraqattaryn salǵanyn anyqtap, ony birden aýrýhanaǵa jetkizdi», - dedi polıııa ókilderi.
Aldyn ala málimet boıynsha, Fannyń áreketine ajyrasqannan keıingi múlikti bólýmen baılanysty rıza bolmaýy sebep bolýy múmkin. Kúdiktige qatysty qylmystyq is qozǵaldy.
QHR tóraǵasy Sı zınpın kólik júrgizýshisin qylmysker dep atap, ony zańǵa sáıkes qatań jazalaýdy buıyrdy. Ol sondaı-aq jaralanǵandardy qutqarý úshin bar kúshti salyp, zardap shekkender men olardyń otbasylaryna kómek kórsetýdi tapsyrdy.
Sonymen qatar, Chjýhaıda dástúrli túrde ótetin Airshow China 2024 avıasalony bastalmaı turyp bir kún buryn bolǵan ólimge soqtyrǵan jaǵdaı týraly aqparat Qytaıdaǵy buqaralyq aqparat quraldary men áleýmettik jelilerde enzýraǵa ushyraǵan. Qylmys bolǵannan keıin bir kún qansha adamnyń qaza tapqany nemese jaralanǵany belgisiz boldy. Dúısenbi kúni keshke jarııalanǵan Qytaıdyń buqaralyq aqparat quraldarynyń oqıǵa týraly maqalalary óshirilgen.
