Batys Qazaqstan oblysynyń ákimi Narıman Tóreǵalıev Astanada ótken baspasóz máslıhatynda BAQ ókilderiniń Zashaǵan kentine qatysty suraqqa jaýap berdi, dep habarlaıdy “Adyrna” ulttyq portaly.
«Buǵan deıin Oral qalasynyń irgesindegi Zashaǵan kentiniń ataýyn aýystyrý týraly bastama kóterilgen bolatyn. 65 myń halyq turatyn Zashaǵan kentiniń ataýy qashan aýysady?» degen jýrnalıstiń suraǵyna ákim jaýap berdi.
«Osyndaı máseleni halyqpen kezdesýde kóterip júredi. Búgingi kúni bul másele kún tártibinde turǵan joq. Sebebi qazir eldi mekenderdiń ataýyn aýystyrý, mektep, kóshe attaryn berýge qatysty moratorıı jarııalandy. Sondyqtan bul másele búgingi kúni ashyq másele» – dedi oblys ákimi.
