Ýkraına bıliginiń málimdeýinshe, ótken túni Reseı Ýkraınaǵa qaraı 145 dron jibergen, bul soǵys bastalǵaly tirkelgen eń kóp kórsetkish, dep habarlaıdy "Adyrna" ulttyq portaly Golos Amerıkaǵa silteme jasap.
Jeksenbi kúni Ýkraına Máskeýge 34 dron jiberip, 2022 jyly soǵys bastalǵannan beri Reseı astanasyna eń iri shabýyldardyń birin jasady.
Máskeýdiń úsh negizgi áýejaıynda reısterdi qaıta baǵyttaýǵa týra keldi. Bul shabýyldan Podmoskovede bir adam jaraqat aldy.Áýe qozǵalysyn basqarý federaldy agenttiginiń derekteri boıynsha Domodedovo, Sheremetevo jáne Jýkovskıı áýejaılarynda 36 reıstiń ýaqyty shegerilip, keıin qaıta qalpyna keltirilgen.
Reseıdiń qorǵanys mınıstrligi Batys aımaqtarda úsh saǵat ishinde 36 drondy joıǵanyn habarlady.
Al Ýkraına Reseıdiń Brıansk oblysyndaǵy arsenalǵa da shabýyldaǵanyn jáne Kıevtiń áýe qorǵanys júıeleri Reseı jibergen 145 dronnyń 62-sin joıǵanyn málimdedi.
Qazirgi ýaqytta Máskeý de, Kıev te jańa drondardy satyp alý men ázirleýge, olardy qoldanýdyń ınnovaııalyq tásilderin izdeýge jáne olardy joıýdyń jańa joldaryn tabýǵa umtylýda. Bul úshin fermerlik myltyqtardan bastap, zamanaýı elektrondy kedergiler júıesine deıin ártúrli quraldar qoldanýda.
