Tájikstannyń soltústigindegi Soǵdy oblysynyń Qansaı eldi mekeninen 85 mıllıon jyldyq dınozavr súıekteriniń synyqtary jáne basqa janýarlardyń qańqasy tabyldy, dep habarlaıdy "Adyrna" ulttyq portaly Azııa-plıýs-ke silteme jasap.
«Dınozavr shamamen 85 mıllıon jyl buryn ómir súrgen. Tabylǵan súıekterdiń deneniń qaı bóligine tıesili ekeni odan ári zertteýler nátıjesinde belgili bolady», – dedi magıstrant-paleontolog Ýmed Nabıev.
Ekaterınbýrg, Sankt-Peterbýrg jáne Máskeýden kelgen paleontologtardan quralǵan Reseı-Tájikstan ekspedıııasy úlken kanonda qazba jumystaryn 20-28 qazan aralyǵynda júrgizdi. Ǵalymdar qoltyraýyn men tasbaqanyń saýyt bólikterin, kesirtkelerdiń, salamandrlardyń, baqalardyń jáne balyqtardyń qaldyqtaryn tapty.
«Biz usaq bólikterdi – súıekterdi, omyrtqalardy, tisterdi, jaqtardy zertteýge múmkindik beretin jýý ádisin qoldandyq. Olar óte názik bolǵandyqtan, taý jynystarynyń betine arnaıy jelim jaqtyq, bul súıekterdi bútin kúıinde zaqymdamaı alýǵa múmkindik berdi», – dedi Ýmed Nabıev.
Ekspedıııanyń keıbir tabystary Soǵdy oblystyq tarıhı-ólketaný mýzeıine tapsyryldy. Qazba jumystaryn 2025 jyldyń mamyr aıynda jalǵastyrý josparlanýda. Zertteýshiler ement óndirýge qajetti shıkizat óndirý nátıjesinde paıda bolǵan osy aımaqtaǵy jańa kanondardy zertteýdi kózdep otyr.
«Iri janýarlardyń qaldyqtary buryn jaqsy zerttelgen, biraq usaq janýarlar – amfıbııalar nemese baýyrymen jorǵalaýshylar týraly olaı aıtý qıyn. Sondyqtan kelesi ekspedıııa usaq qosmekendilerdi de izdeýmen aınalysatyn bolady. Aıta ketý kerek, qazirgi baqalar ejelgi ata-babalarynyń pishini men ólshemin saqtap qalǵan», – dep atap ótti tájik paleontology.
