...Toı ıesi men asaba bolatyn toıdyń senarııin aldyn-ala birigip jasaı ma ózi? Ondaılar az-aý. “Toıda qandaı ázil aıtasyz”, “qandaı án qoıylady”, “qandaı oıyndar oınatasyz” dep suraıtyndar kóp emes. Kóbine tizim berip, mynadan keıin mynaý sóıleıdi degenge baryn salady.
Keshikken adamdar. Bir-biriniń ýaqytyn baǵalamaıdy. Bitpeıtin tilek aıtý. Sońǵy adam tilek aıtqansha kútip, sharshaısyń. “Jumysym bar” dep áıtip-búıtip shyǵyp ketýge tyrysasyń. Keı asabanyń ázili…endi ázil de emes. Ázildeımin dep keıde toıdaǵy keı qonaqtyń kóńiline tıetin sózderdi aıtady. “Myrtyq”, “tompıǵan aıýdaı ekensiń”, “kózińiz qytaı sııaqty syǵyr eken” degendeı syrtqy kelbetke tıse sóılep, ázildegendeı bolady. Ázil ma sol?! Túrli uıat oıyndardy da oınatyp jatady. Keı qarııaǵa bata berińiz dese, tilek aıtyp turady.
“Qazaqtyń toıy dúrkirep ótedi, 300-400 adam keldi” dep maqtanyp otyrady keıde. Sol maqtanatyn dúnıe me? Bar bolǵany ysyrapshyldyq kórinisi ǵoı.
Toıǵa “ózin-ózi aqtaıtyn shyǵar” degen oımen qarjyny aıamaı salady. Biraq ol toı aqtaýy da, aqtamaýy da múmkin. Bylaısha qarasań bul qarjylyq saýattyń tómendigi ǵoı.
Ashat Kasengali
