Senat depýtaty Andreı Lýkın AES-ti qaı jerge salý keregin usyndy, dep habarlaıdy "Adyrna" ulttyq portaly Orda.kz-ke siltep.
Úkimet basshysyna joldaǵan saýalynda Lýkın atom elektr stanııasyn Abaı oblysy Kýrchatov qalasynda salýdy usynyp, pikirin bildirdi.
Depýtattyń aıtýynsha, Semeı ıadrolyq polıgony bolǵan ýaqytta atom energetıkasy boıynsha ǵylymı ortalyqtar jumys istegen. Al bul ortalyqtar áli jumysyn jalǵastyrýda.
Tipti, qala bıýdjetiniń teń jartysy osy ǵylymı nysandardyń salyqtyq túsimderimen tolyǵyp otyr.
«Atom energetıkasyn damytýda Kýrchatov qalasynyń róli mańyzdy. Qala seısmıkalyq turaqty aımaqta ornalasqan, damyǵan jelilik ınfraqurylym bar jáne energetıkalyq qýatty apattyq jaǵdaıda rezervke alý múmkindigi joǵary. Stanııa salýǵa ǵylymı-tehnıkalyq qoldaý kórsetetin barlyq jaǵdaı jasalǵan. Sonymen qatar, radıoaktıvti qaldyqtardy saqtaýǵa qajetti resýrstar jetkilikti, sý tapshylyǵy da bolmaıdy», – dedi depýtat.
