Depýtat Ashat Aımaǵambetov jumys isteıtin zeınetkerlerdi Eńbek mınıstrliginiń memlekettik zeınetaqydan aıyrý týraly usynysyn synǵa aldy, dep habarlaıdy «Adyrna» ulttyq portaly.
Onyń aıtýynsha, bul ıdeıa bıýdjetti ońtaılandyrýdyń ádil joldaryn izdeýdiń ornyna halyqtyń eń osal toptarynyń biri esebinen memlekettik shyǵyndar máselesin sheshýge tyrysý sııaqty kórinedi.
«Adamdar eń az qarsylyq bildiretin jerde únemdeý joldaryn izdeıtin sııaqty. Aldymen onkologııalyq naýqastardy emdeýdi qarjylandyrýdy qysqartý týraly usynystar boldy, sodan keıin hospıster men aýyr naýqastardy qoldaýǵa, al qazir jumys isteıtin zeınetkerlerge qatysty usynystar paıda boldy. Zeınetkerlerdiń kópshiligi óz qalaýy boıynsha emes, qajettilik boıynsha jumysyn jalǵastyrýda, óıtkeni olardyń tabysy negizgi qajettilikterge jetpeıdi. Bıýdjetti únemdeý qajet, biraq bilim berý, densaýlyq saqtaý, zeınetaqylar, járdemaqylar jáne azamattardyń jalaqylaryna qol suǵýǵa bolmaıdy» - dep jazdy Ashat Aımaǵanbetov ınstagram áleýmettik jelisinde.
Eńbek mınıstri Svetlana Jaqypova bul usynystyń tek talqylanyp jatqanyn, jaqyn arada júzege asyrylmaıtynyn túsindirdi.
Degenmen, depýtat bul ıdeıanyń konstıtýııalyq jáne ádilettilik prınıpterine qaıshy keletinin alǵa tartty. Sondaı-aq, ol qoǵamda túsinispeýshilikter men shamadan tys mazasyzdyqty boldyrmaý úshin osyndaı sezimtal máseleler boıynsha áriptesteriniń salmaqty túrde sóılegenin qalaıtynyn aıtty.
