5 qarashada AQSh-ta ótetin saılaýǵa 70 mıllıonnan astam amerıkalyq azamat merziminen buryn daýys berdi, dep habarlaıdy «Adyrna» ulttyq portaly TACC-qa siltep.
Bul aqparatty Florıda shtatynyń ýnıversıteti jarııalady.
Esepterge sáıkes, AQSh-tyń 70 053 286 turǵyny merziminen buryn daýys berý quqyǵyn paıdalanǵan. Olardyń 37,4 mıllıonnan astamy saılaý ýchaskelerinde tikeleı daýys berse, 32,6 mıllıonǵa jýyǵy poshta arqyly daýys berdi.
AQSh-ta tirkelgen saılaýshylar sany shamamen 168 mıllıondy quraıdy. Merziminen buryn daýys bergender eń kóp tirkelgen shtattar – Tehas (7,9 mln), Florıda (7,3 mln) jáne Kalıfornııa (6 mln).
2024 jylǵy 28 qazanda AQSh-tyń qazirgi basshysy Djo Baıdenniń de prezıdenttik saılaýda merziminen buryn daýys bergeni belgili boldy. Sheteldik BAQ-tyń málimetinshe, ol daýys berer aldynda shamamen 40 mınýt kezekte turǵan.
AQSh-ta kezekti jalpy saılaý 5 qarashada ótedi. Memleket basshysy laýazymyna respýblıkalyq partııa ókili Donald Tramp pen demokrat Kamala Harrıs talasady. Tramp 2017-2021 jyldary AQSh-tyń 45-prezıdenti bolǵan, al Harrıs AQSh-tyń vıe-prezıdenti qyzmetin atqarady.
Aıta keteıik, prezıdent Djo Baıden saılaýǵa aldyn ala daýys bergen edi.
