Búgin Shyńǵys hannyń týǵanyna 862 jyl tolady. 2012 jyldan bastap bul kún Mońǵolııada memlekettik mereke retinde toılanady, dep habarlaıdy «Adyrna» ulttyq portaly.
2012 jylǵy 9 qańtarda Mońǵolııa Prezıdentiniń №4 Jarlyǵymen Shyńǵys hannyń týǵan kúni Mońǵolııa Ǵylym akademııasynyń usynysy men tıisti jumys tobynyń qorytyndysy negizinde resmı túrde jarııalanyp, aı kúntizbesi boıynsha qys aıynyń birinshi kúni dep belgilendi. Bul kún jyl saıyn elde Mońǵolııa maqtanyshynyń kúni retinde atap ótiledi.
«Shyńǵys han» ordeni eldiń táýelsizdigi men egemendigin nyǵaıtýda, ulttyq birlikti saqtaýda, memlekettilik dástúrlerin, tarıhy men mádenıetin tereń zerttep, ony kelesi urpaqqa jetkizýde jáne álemde keńinen nasıhattaýda erekshe eńbegi men aıryqsha úlesi bar azamattarǵa beriledi.
Aı kúntizbesi boıynsha qys aıynyń birinshi kúni jyl saıyn ártúrli kúnderge sáıkes keledi.
2012 jyl: 14 qarashada – Shyńǵys hannyń týǵanyna 850 jyl toldy,
2013 jyl: 4 qarasha – Shyńǵys hannyń týǵanyna 851 jyl toldy,
2014 jyl: 23 qarasha – Shyńǵys hannyń týǵanyna 852 jyl toldy,
2015 jyl: 12 qarasha – Shyńǵys hannyń týǵanyna 853 jyl toldy,
2016 jyl: 31 qazan – Shyńǵys hannyń týǵanyna 854 jyl toldy,
2017 jyl: 19 qarasha – Shyńǵys hannyń týǵanyna 855 jyl toldy,
2018 jyl: 8 qarasha – Shyńǵys hannyń týǵanyna 856 jyl toldy,
2019 jyl: 27 qarasha – Shyńǵys hannyń týǵanyna 857 jyl toldy,
2020 jyl: 16 qarasha – Shyńǵys hannyń týǵanyna 858 jyl toldy,
2021 jyl: 5 qarasha – Shyńǵys hannyń týǵanyna 859 jyl toldy,
2022 jyl: 24 qarasha – Shyńǵys hannyń týǵanyna 860 jyl toldy,
2023 jyl: 14 qarasha – Shyńǵys hannyń týǵanyna 861 jyl toldy.
Mereke kúni Mońǵolııanyń memlekettik týyn qurmetteý rásimi, ulttyq kúresten jarystar jáne basqa da saltanatty is-sharalar ótkiziledi.
