Astanada máslıhat depýtattarynyń oqýshylardyń ózin-ózi basqarý kóshbasshylarymen kezdesýi ótti. Qala máslıhatynyń zańdylyq, quqyqtyq tártip jáne jurtshylyqpen jumys máseleleri jónindegi turaqty komıssııasynyń tóraǵasy Azamat Aıtqojın qatysýshylarǵa esirtki qylmystarymen kúres týraly aıtty, dep habarlaıdy elorda ákimdiginiń resmı saıty.
Depýtattyń aıtýynsha, esirtki trafıgine kóbirek jastar tartylýda.
"Nadandyq pen zańnama týraly bilimniń bolmaýy jaýapkershilikten bosatpaıdy. Siz bizdiń mektepterdiń oqýshylary esirtki trafıgine qatysyp, bul úshin 10 jylǵa deıin bas bostandyǵynan aıyrý jazasyn alǵan jaǵdaılar týraly estigen shyǵarsyz", - dedi ol jastarǵa.
Onyń aıtýynsha, esirtki bıznesine qarsy kúrestiń tıimdiligin arttyrý jáne aldyn alý ádisterin ózgertý qajet.
"Biz jastarǵa esirtkini qoldaný tulǵanyń degradaııasyna jáne densaýlyqtyń aýyr problemalaryna ákeletinin jetkizýimiz kerek. Nashaqorlyq adamnyń densaýlyǵyna qaýip tóndirip qana qoımaı, aınalasyndaǵylarǵa da qaýip tóndiredi, óıtkeni ol azǵyndyq pen agressıvti minez-qulyqqa ákelýi múmkin", - dedi ol.
Qorytyndylaı kele, Azamat Aıtqojın jastarǵa bos ýaqytyn tıimdi ótkizýge, damýǵa, jańa bilim alýǵa keńes berdi.
"Ár aýdanda siz sport alańdary men óner oryndaryn taba alasyz. Sizdiń mindetińiz - osy artyqshylyqtardyń barlyǵyn paıdalaný", - dep túıindedi ol.
