Ótken jyldyń qyrkúıek aıynan bastap Astanada jergilikti turǵyndarǵa jumys tabýǵa, kiristerin kóbeıtýge jáne qysqa merzimde jańa mamandyqtardy ıgerýge kómektesetin JOLTAP aýqymdy jobasy iske asyrylýda. Osy ýaqyt ishinde onyń aıasynda ondaǵan myń azamat mamandardan keńes alyp, oqý kýrsynan ótti, dep habarlaıdy elorda ákimdiginiń resmı saıty.
Joba Astana ákimdiginiń bastamasymen Memleket basshysynyń tapsyrmalaryn oryndaý maqsatynda júzege asyrylýda. Joba operatory «Jańa múmkindik» qoǵamdyq qory bolyp sanalady.
JOLTAP jobasy birneshe kezeńmen júzege asyrylady. Birinshi kezeń – «Barshaǵa múmkindik» modýldik pýnktterin ornatý jáne iske qosý. Qazir qala boıynsha adamdar kóp jınalatyn jerlerde ornalasqan 6 modýldik pýnkt jumys isteıdi. Munda qala turǵyndary memlekettik qoldaýdyń 52 sharasy boıynsha kómek ala alady (shaǵyn nesıeleý/bızneske arnalǵan granttar, sýbsıdııalanatyn jumys oryndary, áleýmettik tólemder jáne t. b.), 20 avtorlyq kýrs boıynsha tegin oqýǵa jazylý, qalanyń ózekti bos jumys oryndary týraly bilý jáne ıfrlyq súıemeldeý boıynsha kómek alý (EQ qaıta jańartý, kezekte.kz, enbek.kz jáne t. B. saıttarynda tirkeý). Qazirgi ýaqytta elordanyń 24 myń turǵyny modýldik pýnktterde keńes aldy, olardyń negizgi bóligi – 35 jasqa deıingi jumyssyz jastar. Atap aıtqanda, 17 myń adam oqýǵa jazyldy, 5 myń ótinish bildirgen adam ákimdik basqarmalaryna memlekettik qoldaý sharalaryn alýǵa ótinim berdi.
Jobanyń ekinshi kezeńi – ıfrlyq jáne jumysshy mamandyqtar bóliginde ózekti jáne praktıkalyq daǵdylardy tegin oqytýdy uıymdastyrý. Barlyq 20 oqý baǵdarlamasy avtorlyq bolyp sanalady jáne elordalyq bıznes ókilderimen birlesip ázirlengen. Synyptar barlyq qajetti zattarmen jabdyqtalǵan. Negizgi nazar tiginshi, sánger – konstrýktor, býhgalterlik esep negizderi, korpýstyq jıhaz jasaý negizderi, satýshy-kassır, onlaın dúkenderdegi saýda negizderi, aıaq kıim jóndeý sheberhanasy, elektr gazben dánekerleýshi, maı aýystyrý pýnkti jáne shınomontaj, barısta sııaqty jumysshy mamandyqtardy oqytýǵa aýdarylady. Oqytýshylar óz salalarynda qoldanbaly tájirıbesi bar birqatar tájirıbeshilerden tańdaldy. Qala turǵyndary sonymen qatar qazirgi álemde ózekti bolyp sanalatyn 8 ıfrlyq daǵdylar boıynsha bilim ala alady – SMM, saıttardy ázirleý, beınemontaj, grafıkalyq dızaın, kontent-krıeıtor, targetolog, mobılograf, negizgi ıfrlyq daǵdylar. Qosymsha daǵdylardy úırenip, qala turǵyndary qalalyq kásiporyndarǵa jumysqa ornalasady, aǵymdaǵy jumys ornynda básekege qabilettiligin arttyrady nemese qashyqtan tapsyrystardy qabyldaı bastady. Osy jumystyń nátıjesinde bir jyl ishinde myńǵa jýyq qala turǵyny JK ashyp, jańa jumys oryndaryn ashty. Oqytý baǵdarlamalary eńbek naryǵyna súıene otyryp qurastyrylǵan jáne mamandyqqa baılanysty 2 aptadan 1 aıǵa deıin barynsha qysqa merzimde praktıkalyq daǵdylardy usynýǵa baǵyttalǵan.
Bir jyl ishinde 7,5 myńnan astam qala turǵyny jumys jáne ıfrlyq mamandyqtar boıynsha bilim alyp, praktıkalyq daǵdylarǵa ıe boldy.
Úshinshi kezeń – jumys pen qyzmetkerlerdi izdeýge arnalǵan «JUMYSTAP.kz»platformany iske qosý. Búgingi tańda 12 myńǵa jýyq paıdalanýshy tirkelgen, onyń 2 myńy jumys berýshiler bolyp sanalady, sonyń ishinde Magnum, Shaurma Food, Danmard, «12 aı», Zeta, YDA zaýyty, DSK GLB sııaqty iri jáne jelilik kompanııalar jáne basqalar bar. Platformaǵa basqa óńirlerdiń bıznes ókilderi de qyzyǵýshylyq tanytyp otyr, bul qala turǵyndaryna elordada ǵana emes, elimizdiń basqa qalalarynda da jumys izdeýge múmkindik beredi. Qazirgi ýaqytta qala kásiporyndaryna 5 myńnan astam adam jumysqa ornalasty, óz isin ashty nemese frılans boıynsha tapsyrys qabyldaı bastady.
JOLTAP jobasyn iske asyrý demeýshilik qarajat esebinen júzege asyrylady, bul adamı kapıtaldy damytýǵa úles túrindegi bıznestiń áleýmettik jaýapkershiliginiń jańa nysany bolyp sanalady. Joba týraly tolyǵyraq @joltap.kz Instagram paraqshasy arqyly tanysýǵa bolady. Jobanyń call-ortalyǵy: +7 (707) 221 31 31
