Polsha «Shyǵys qalqany» baǵdarlamasy aıasynda Reseımen shekarada qorǵanys bekinisterin salýǵa kiristi. Bul týraly premer-mınıstr Donald Týsk málimdedi, dep habarlaıdy “Adyrna” ulttyq portaly.
«Shyǵys qalqany» (Tarcza Wschód) — qorǵanys mınıstrligi men Polsha armııasynyń Bas shtaby ázirlegen baǵdarlama, ol Polshanyń Reseı jáne Belarýs shekaralarynda ártúrli bekinisterdiń, releftik kedergiler men áskerı ınfraqurylymnyń qurylysyn qamtıdy. Jalpy uzyndyǵy shamamen 800 shaqyrymdy quraıtyn joba aǵymdaǵy jyldyń mamyr aıynda tanystyrylǵan.
Sondaı-aq, Polsha premer-mınıstri X platformasynda jumys bastalǵanyn habarlady.
«Shyǵys qalqanynyń qurylysy bastaldy! Reseımen shekaradaǵy alǵashqy jumys», - dep jazdy ol postqa jumys istep turǵan qurylys tehnıkasy beınelengen fotosýretti jarııalap.
2024-2028 jyldar aralyǵynda júzege asyrýǵa 10 mıllıard zlotyı (shamamen 2,5 mıllıard dollar) bólingen «Shyǵys qalqany» ulttyq tejeý jáne qorǵanys baǵdarlamasyn qurý týraly qaýlyny 10 maýsymda Mınıstrler Keńesi qabyldady.
Premer-mınıstr keńsesiniń málimdemesinde aıtylǵandaı, «úkimet Belarýs pen Reseıden keletin qaýipterge qarsy turý úshin NATO-nyń shyǵys qaptalynda jan-jaqty qorǵanys ınfraqurylymyn qurýǵa nıetti».
«Shyǵys qalqany» baǵdarlamasy, atap aıtqanda, negizgi shekaralyq aýdandarda bekinister salý jáne jerdegi tabıǵı kedergiler jasaýdy qamtıdy. Atap aıtqanda, shekaralyq aımaqta aryq qazý, mına alańdaryn ornalastyrý, tankige qarsy kirpi ornatý josparlanǵan.
Ol sondaı-aq tıisti barlaý jáne qaýip-qaterdi anyqtaý júıelerin, forvardtyq bazalardy, logıstıkalyq habtardy, qoımalardy salýdy nemese ushqyshsyz ushýǵa qarsy qorǵanys júıelerin ornalastyrýdy qarastyrady.
Maqsat, bir jaǵynan, polıak áskerine shekarany qorǵaýdy barynsha jeńildetý, al ekinshi jaǵynan, yqtımal agressordyń el aýmaǵyna enýin qıyndatý.
Polshanyń shyǵys jáne soltústik shekaralary boıyndaǵy bekinisterdiń qurylysy negizgi voevodstvolardy qamtıdy: Pomeran, Varm-Masýr, Lıýblın, Podlaskı jáne Podkarpake.
