2012 jylǵy Mońǵolııa Prezıdentiniń Jarlyǵy boıynsha, Uly Shyńǵys hannyń týǵan kúni jalpyulttyq mereke retinde atap ótiledi, dep habarlaıdy “Adyrna” ulttyq portaly.
Mońǵolııa ulttyq agenttiginiń pikirinshe, bul kún "Ulttyq maqtanysh kúni" dep atalyp, jyl saıyn aıdyń Lýn kúntizbesi boıynsha alǵashqy qysqy aıynyń birinshi kúni toılanady. Al bıyl ol 2 qarashaǵa sáıkes keledi.
Uly Shyńǵys hannyń týǵanyna 862 jyl tolýyna jáne Ulttyq maqtanysh kúnine oraı qolbasshy Súhbaatar alańynda Mońǵolııanyń memlekettik týyn saltanatty kóterý rásimi ótedi, onda Uly Shyńǵys hannyń altyn ósıetteri men tálimderi oqylady.
Sonymen qatar, osy kúni prezıdenttiń Mońǵolııa tarıhy salasyndaǵy zertteýlerdi qoldaý týraly jarlyǵyna qol qoıý rásimi ótedi.
Prezıdenttiń bilim, ǵylym jáne tehnologııalar jónindegi keńesshisi Ch.Lodoıravsal Prezıdent Jarlyǵy boıynsha Mońǵolııa tarıhy men halyqaralyq mońǵoltaný zertteýlerin qoldaýdyń keshendi sharalary, Mońǵolııa tarıhy boıynsha 30 tomdyq kitapty daıyndaý jáne shyǵarý, sondaı-aq qoǵamda tarıhı bilimdi qoldaý sharalary kózdelgenin atap ótti.
Sonymen qatar, Mońǵolııanyń joǵary memlekettik marapaty – “Shyńǵys han” ordenin tapsyrý rásimi ótedi. Prezıdent, joǵary laýazymdy tulǵalar, “Shyńǵys han” ordeniniń ıegerleri, qurmetti qonaqtar men azamattar Uly Shyńǵys hannyń eskertkishine qurmet kórsetedi.
