Qazaqstan kórshiles Reseımen birge +7 telefon kodyn birlesip paıdalaný týraly kelisim jobasyn maquldady, dep habarlaıdy "Adyrna" ulttyq portaly QazTAG-qa siltep.
«Qazaqstan Respýblıkasynyń Úkimeti men Reseı Federaııasynyń Úkimeti arasyndaǵy 7-nómir aımaǵyn birlesip paıdalaný týraly kelisim jobasyn bekitsin», - delingen Qazaqstan úkimetiniń qaýlysynda.
Bul qujatqa sáıkes, tek Reseıge kelesi kod dıapazondary bekitilmek: 200 – 299, 300 – 399, 400 – 499, 500 – 599, 810 - 818, 820 - 821, 831, 833 - 836, 840- 848, 850 - 851, 855 - 857, 860 - 863, 865 - 867, 869 jáne 871 - 873, 877- 880, 900 – 999.
Al Qazaqstanǵa tek kelesi kod dıapazondary bekitilmek: 000 – 099, 600 – 699 jáne 700 – 799.
Qazaqstan men Reseıge birlesip paıdalaný úshin bekitiletin kod dıapazondary mynalar: 100 – 199, 800 – 809 jáne 881 – 899.
«Kod dıapazondary birlesip paıdalanylǵan jaǵdaıda taraptar: 1) birlesip paıdalanylatyn kod dıapazondarynda kodtardy óz elderiniń zańnamasyna sáıkes derbes taǵaıyndaıdy; 2) atalǵan kod dıapazondaryndaǵy nómirlerdi tek óz memleketteriniń telefon baılanysy jelilerinde paıdalanady. Bólinbegen kod resýrstary (26 kod - 819, 822 - 829, 830, 832, 837 - 839, 849, 852 - 854, 858 - 859, 864, 868, 870, 874 - 876) jalpy rezervte bekitiledi. Rezervten shyǵarý jáne keıingi bólý taraptardyń ózara kelisimi boıynsha júzege asyrylady jáne Qazaqstan Respýblıkasynyń Úkimeti men Reseı Federaııasynyń Úkimeti arasyndaǵy 7-nómir aımaǵyn birlesip paıdalaný týraly kelisimge jeke hattamalar arqyly resimdeledi, olar osy kelisimniń ajyramas bólikteri bolyp tabylady», - delingen qujattyń eskertpesinde.
