Kún saıyn qoǵamdyq tártip pen qaýipsizdikti qamtamasyz etýge Ulttyq ulannan áskerı qyzmetshilermen qatar, kınologtar da jumyldyrylady. Jáne olardyń baptaýyndaǵy qyzmettik ıtter tynyshtyqty kúzetý kezinde quqyq buzýshylardy quryqtaýǵa,qylmystardy ashýǵa septigin tıgizedi.
Mysaly, 25 qazan kúni saǵat 20:45 shamasynda Astana qalasy Qajymuqan kóshesi, 6-úıden kámeletke tolmaǵan balanyń joǵalǵany týraly shuǵyl habarlama túsedi.
Atalǵan meken-jaıǵa jyldam jetken 5573 áskerı bólimi kınologııalyq qyzmetiniń aǵa mamany qatardaǵy Álisher Súleımenov oqıǵanyń mán-jaıyn anyqtap, joǵalǵan 8 jasar balany izdeý úshin Zorro esimdi qyzmettik ıttiń kómegine júginedi. Álisherdiń qyzmette ábden shyńdalǵan tórt aıaqty serigi balanyń jeke zatyn ıis alyp, birden izge túsedi. Kóp uzamaı, balaqaı tabylyp, ata-anasyna aman-esen tabystaldy.
Sol kúni áskerı jasaó bastyǵy Erkebulan Parymbekov, patrýlshi sarbazdar qatardaǵy Ermahan Sultanov, Danıal Kenjebaıuly jáne kınolog efreıtor Abylaıhan Orazbek elordanyń Esil aýdanynda ornalasqan Oral kóshesin barlaý kezinde shópten birdeńe izdep júrgen kúdikti adamdy baıqaıdy. Efreıtor Orazbek birden Hýh esimdi ıtke pármen beredi.
"Bizdegi ıtter jarylǵysh zattardy tapqysh, iz keskish degen sııaqty baǵyttarda tárbıelenedi. Al men baptaıtyn Hýh esirtki ónimderin tabýǵa beıimdelgen. Shóp arasynan sary taspamen oralǵan baılam taýyp shyqty. Kúdikti men esirtkini odan ári tekserý maqsatynda oqıǵa ornyna polıııa qyzmetkerlerin shaqyrdyq", - deıdi ulandyq kınolog.
Búgingi tańda elordalyq jedel qurama qatarynda 30-dan astam ıt bar. Olar QR IIM Ulttyq ulany qyzmetinde qoǵamdyq tártipti qamtamasyz etý jáne quqyq buzýshylyqtar men qylmystardy ashýǵa keńinen qatysyp keledi.
