Búgin Qyzylordada «Ońtústik Torǵaı, Shý Sarysý basseınderi kómirsýtekteriniń resýrstyq bazasyn damytý jáne ken oryndarynyń munaı deńgeıin arttyrý perspektıvasy» taqyrybynda II Qazaqstan CNPC tehnıkalyq semınary bastaldy.
Jıynǵa «QazMunaıGaz» UK» AQ Basqarma tóraǵasy Ashat Hasenov, Energetıka vıe-mınıstri Arymbek Qudaıbergen, qytaılyq «CNPC» kompanııasynyń vıe-prezıdenti Chjan Daoveı qatysty.
Basqosýda aımaq basshysy Nurlybek Nálibaev semınarǵa qatysýshylarǵa sáttilik tilep, Syr óńiriniń áleýmettik-ekonomıkalyq damýyndaǵy munaı kompanııalarynyń úlesin atap ótti.
Búginde ıgerilgen ken oryndarynyń kópshiligi óndiristiń sońǵy satysyna shyqqan. Qoldanystaǵy munaı kenishteriniń tabıǵı sarqylýyna baılanysty 2013 jyldan beri munaı óndirý kólemi shamamen 65%-ǵa qysqardy. Sondyqtan, óńdeý ónerkásibin damytý arqyly óńir ekonomıkasyn ártaraptandyrý jumystary qolǵa alyndy. Osylaısha munaı qorynyń sarqylýy saldarynan sońǵy 10 jyl boıy tómendeý tendenııasyn kórsetip kelgen ónerkásip óndirisi ótken jyldyń qyrkúıek aıynan bastap oń dınamıkaǵa shyqty.
Salanyń damýy otandyq munaı-servıstik kompanııalardyń damýyna jol ashty. Aımaqta qalyptasqan munaı-servıstik beldeý qanshama otbasynyń osy saladan tabys tabýyna múmkindik berýde.
Búginde munda 10 myńnan astam adam jumyspen qamtylǵan. Jalpy alǵanda, oblystyń ónerkásip óndirisinde munaı-gaz salasynyń úlesi shamamen 50%-dy quraıdy. Óńdeý salasyndaǵy ósý qarqyny boıynsha oblys 2022 jyly respýblıkada 11-orynda bolsa, bıyldan bastap birinshi orynda.
Ekonomıka salalarynda, ásirese ınvestıııa tartý, qurylys salý, saýda aınalymy, kólik qyzmeti, aýyl sharýashylyǵynda júrgizilgen júıeli jumystardyń arqasynda búginde oblys ekonomıkalyq damý qarqyny boıynsha óńirler arasynda kóshbasshy pozıııasynda. Munaı kompanııalary aımaqtaǵy birqatar áleýmettik máseleler men jobalardy sheshýge qoldaý kórsetýde. Sońǵy 10 jylda óńirdiń áleýmettik-ekonomıkalyq damýyna 17 mlrd. teńgege jýyq qarjy bóldi.
Kezdesý sońynda oblys ákimdigi, QR Energetıka mınıstrligi, «Qazmunaıgaz» ulttyq kompanııasy suıytylǵan munaı gazyn óńdeý qondyrǵysynyń jyldyq qýattylyǵyn 2025 jyldan bastap aldaǵy 10 jyl ishinde 120 myń tonnaǵa deıin arttyrýǵa baǵyttalǵan úshjaqty memorandýmǵa qol qoıdy.
