Semeıde aımaqtaǵy buqaralyq jáne kásibı fýtboldy damytýdyń mańyzdy nysanyna aınalatyn jabyq fýtbol manejiniń tanystyrylymy ótti. Jańa keshen qala men oblysymyzdyń myńdaǵan balasyna aýa raıyna qaramastan jyl boıy fýtbol oınaýǵa múmkindik beredi.
Saltanatty sharaǵa Abaı oblsynyń ákimi Nurlan Uranhaev, Freedom Holding Corp basshysy Tımýr Týrlov, «Elimaı» FK bas bapkeri Andreı Karpovıch, otandyq tanymal fýtbolshylar, qoǵam belsendileri, BAQ ókilderi jáne qala turǵyndary qatysty.
Keshenniń qurylysy Abaı oblysy ákimdigi men Freedom Holding Corp kompanııasy arasynda qol qoıylǵan memorandým aıasynda júrgizilýde. Osy kelisim aıasynda sportty damytý úshin jaǵdaı jasaýǵa, onyń ishinde jattyǵý, jarystar men buqaralyq is-sharalar ótkizýge arnalǵan ashyq fýtbol alańyn salýǵa erekshe kóńil bólingen.
Sharada Freedom Holding Corp basshysy Tımýr Týrlov keshenniń balalar úshin fýtbol álemindegi úlken múmkindik ekenin atap ótti.
«Bizdiń balalarda eýropalyq úzdik klýbtardaǵydaı jattyǵý múmkindikteri bolýy kerek. Bul keshen daıyndyq deńgeıine nemese áleýmettik jaǵdaıyna qaramastan árbir bala ózin úlken sporttyń bir bóligi retinde sezinýi úshin jasalǵan. Balalar bizdiń bolashaǵymyz. Al olardyń keleshegi jarqyn bolýy bizdiń qolymyzda. Bul keshen olardyń sportshy retinde qalyptasatyn, bilim alatyn, jeńiske jeteleıtin armandaryn júzege asyratyn oryn bolady», - dedi Tımýr Týrlov.
Manejdiń ákimshilik bóliginde tórt kıim aýystyratyn, jýynatyn, ashana jáne ata-analarǵa arnalǵan arnaıy bólme bolady. Keshendi sertıfıkattaý josparlanyp otyrǵanyn aıta ketken jón. Bul joǵary toptaǵy fýtbolshy balalardyń alańda resmı matchtardy ótkizýge múmkindik beredi. Fýtbol alańdarynyń ólshemderi ÝEFA men FIFA standarttaryna sáıkes keletin 105-ten 66 metrge jáne 105-ten 68 metrge deıin alyp jatyr. 2024 jyldyń sońyna deıin jabyq manejdi paıdalanýǵa berý josparlanýda.
Aıta ketý kerek, nysannyń bas merdigeri – «Shanyrak.KZT» JShS.
