Úkimet basshysy Oljas Bektenov elordada jeńil relsti kólik (LRT) jelisin salý jónindegi jobaǵa sholý jasady, dep habarlaıdy "Adyrna" ulttyq portaly.
Premer-mınıstrdiń sózinshe, qurylys jumystarynyń qarqyny artyp keledi. Sol sebepti qurylysty báseńdetpeý mańyzdy. Ctanııalardyń negizgi temirbeton konstrýkııalary qurylysyn 2024 jyldyń sońyna deıin aıaqtaý josparlanyp otyr. Al kelesi jyly relsterdi tóseý, stansalardy árleý jáne jyljymaly quramdardy jetkizetin depo qurylysyn júrgizý, Qabanbaı batyr dańǵyly men Qaldaıaqov kóshesi boıyndaǵy estakadalyq bólikti abattandyrý júrgiziledi.
Úkimet baspasóz qyzmetiniń dereginshe, búginde LRT estakadasynyń arqalyqtaryn tóseý kezeńi aıaqtaldy.
"Jeńil relsti jeliniń jalpy uzyndyǵy 22,4 km quraıdy. LRT quramyna 18 stanııa kiredi. 652 adam syıatyn 19 jyljymaly quramdy iske qosý josparlanyp otyr. Qozǵalys aralyǵy 4-5 mınýtty quraıdy. Bastapqy kezeńde táýligine 25 myń adam jolaýshylar aǵyny bolady degen boljam bar. Bul rette jolaýshylar aǵyny eń joǵary ýaqytta táýligine 92 myń adamǵa jetýi múmkin. Tólem júıesi qalalyq analogy boıynsha kólik kartasyn valıdaııalaý nemese QR-kod arqyly tóleý arqyly qarastyrylǵan", – delingen habarlamada.
Stanııa aýmaǵynda premer-mınıstr qurylys barysynda qoldanylatyn tehnologııalyq sheshimdermen tanysty.
"Jobany iske asyrýǵa China Construction Sixth Bureau, Yunnan Construction and Investment Holding Group Co., Longjian Road and Bridge Co., Tianjin Rail Transit Group Co., CRRC Tangshan Co LTD. sııaqty joǵary standarttardy saqtaýymen tanymal qytaılyq jetekshi kompanııalar tartylǵan. Sondaı-aq CRSCInternational, CASCO, HUAWEI Smart Transport BU kompanııalary kólik júıesiniń qaýipsiz ári tıimdi jumysyn qamtamasyz etýde sheshýshi ról atqaratyn baılanys, dabyl jáne avtomattandyrý júıelerin retteýge qatysady", – dedi úkimet baspasóz qyzmeti.
China Railway Asia-EuropeConstruction Investment qosalqy merdiger kompanııasynyń bas dırektory Chjoý Haıveı ınnovaııalyq tehnologııalar qoldanylyp jatqanyn baıandady.
"Memleket basshysy elimizdiń kólik júıesin damytýǵa úlken kóńil bólinip jatyr. LRT jobasy boıynsha ınfraqurylymdy daıyndaý jóninde qyrýar jumys júrgizildi, qarajat bólindi. LRT elorda turǵyndary men qonaqtaryna qyzmet kórsetedi. Qurylys jumystarynyń qarqyny artyp keledi, ony báseńdetpeý mańyzdy. Joba eń joǵary deńgeıde júzege asyrylýy kerek. Ákimdik pen ortalyq memlekettik organdar tarapynan baqylaý kúsheıtilýge tıis. Nátıjege jumys isteımiz", — dedi premer-mınıstr.
