Ońtústik Koreıa Ýkraınaǵa tikeleı qarý-jaraq jetkizýdi Phenıan men Máskeý arasyndaǵy áskerı baılanystarǵa qarsy turý sharalarynyń bir bóligi retinde qarastyrýy múmkin ekenin aıtty, dep habarlaıdy “Adyrna” ulttyq portaly.
Ulybrıtanııanyń qorǵanys mınıstri Djon Hılı seısenbi kúni Soltústik Koreıanyń Ýkraınaǵa qarsy soǵysynda Reseıge kómektesý úshin júzdegen áskerin jiberýge kirisý yqtımaldyǵy joǵary ekenin aıtty.
«Mazasyzdandyratyn jańa oqıǵaǵa sáıkes, qazir Soltústik Koreıadan Reseıge soǵysqa qatysý úshin júzdegen ásker jiberile bastady.
Soltústik Koreıa sarbazdarynyń Reseıge eýropalyq jerdegi basqynshylyq soǵysqa kómektesýi (jumys isteýi) qorqynyshty bolsa da, kóńilin qaldyrady», dedi Hılı parlamentte.
Sonymen qatar, Ońtústik Koreıa sheneýnikteri seısenbide Ýkraınaǵa tikeleı qarý satýdy Soltústik Koreıa men Reseı arasyndaǵy áskerı baılanystarǵa qarsy turý sharalarynyń bir bóligi retinde qarastyrýy múmkin ekenin aıtty.
Ótken aptada Ońtústik Koreıanyń barlaý qyzmeti Soltústik Koreıa Reseıge «úlken» jasaq jibergenin aıtyp, 1500 arnaıy jasaq qazirdiń ózinde Reseıdiń Qıyr Shyǵysynda jattyǵyp jatqanyn jáne jaqyn arada Ýkraınadaǵy maıdanǵa attanýǵa daıyn ekenin málimdedi.
