Qazaqstan basshysy Táýelsiz Memleketter Dostastyǵy uıymyna múshe memleketter basshylary keńesiniń otyrysyna qatysyp, basqalardy bátýaǵa shaqyrdy. Bul týraly Aqordaǵa siltep "Adyrna" ulttyq portaly habarlaıdy.
Prezıdent Qasym-Jomart Toqaev 8 qazandaǵy jıynda dástúrli qonaqjaılyǵy jáne Reseıdiń TMD-ǵa tóraǵalyq etý barysynda nátıjeli jumys atqarǵany úshin Reseı basshysy Vladımır Pýtınge alǵys aıtty.
Memleket basshysy 1991 jyly Almaty Deklaraııasynyń negizinde qurylǵan TMD-nyń áleýetin bedeldi halyqaralyq uıym retinde odan ári nyǵaıtý Qazaqstan úshin basty basymdyqtyń biri ekenine nazar aýdardy.
"Ótken ǵasyrdyń 90-jyldarynda Balqan túbegindegi sekildi kúrdeli jaǵdaılarǵa postkeńestik aýmaqta jol berilgen joq. Munda Táýelsiz Memleketter Dostastyǵynyń úlesi zor deýge bolady. Sondyqtan Dostastyqty saqtaý kerek dep oılaımyn. Osy maqsatta ózara senimdi nyǵaıtýdyń eń tıimdi sharalaryn qabyldap, memleketter basshylary deńgeıinde bir-birimizdi negizsiz synap-mineýden aýlaq bolyp, ustamdylyq pen parasattylyq tanytqanymyz jón", – dedi Qasym-Jomart Toqaev.
Qazaqstan Prezıdentiniń aıtýynsha, geosaıası turaqsyzdyqqa da nazar aýdaryp, kelisim jasasýǵa shaqyrdy.
"Bizdiń el Ázerbaıjan men Armenııanyń beıbit kelisim jasaýǵa degen umtylystaryn quptaıdy. Sonymen qatar Ortalyq Azııa aımaǵyndaǵy memleketaralyq shekaralardyń jekelegen bólikterin zańdyq turǵydan resimdeýdi aıaqtaý isinde aıtarlyqtaı ilgerileý bar", – dedi Qasym-Jomart Toqaev.
Odan bólek, Prezıdent álem ekonomıkasynda turaqsyzdyq beleń alyp turǵan jaǵdaıda saýda-ekonomıkalyq yqpaldastyq máseleleri udaıy nazarda bolýǵa tıis ekenin aıtty.
Sóz sońynda Qasym-Jomart Toqaev 2025 jyly TMD-ǵa Tájikstan Respýblıkasynynyń tóraǵalyq etý jáne kezekti sammıtti Dýshanbede ótkizý týraly sheshimdi qoldaıtynyn jetkizip, qorytyndylady.
Jıynda Reseı prezıdenti Vladımır Pýtın, Ázerbaıjan prezıdenti Ilham Álıev, Armenııa premer-mınıstri Nıkol Pashınıan, Belarýs prezıdenti Aleksandr Lýkashenko, Qyrǵyzstan prezıdenti Sadyr Japarov, Tájikstan prezıdenti Emomalı Rahmon, Túrikmenstan prezıdenti Serdar Berdimuhamedov jáne Ózbekstan prezıdenti Shavkat Mırzııoev sóz sóıledi.
Aıta keteıik, buǵan deıin Qasym-Jomart Toqaevtyń Máskeýge saparlaýy jaıynda ártúrli aqparat taraǵan. Degenmen sońǵy sátke deıin bul sapar týraly belgisiz bolyp kelgen.
Táýelsiz Memleketter Dostastyǵy - Keńes odaǵy taraǵan soń, odaq quramyndaǵy elderden quralǵan uıym.
TMD-ǵa múshe memleketter basshylary keńesiniń otyrysy Máskeýde 7-8 qazan kúnderi ótkizildi. 7 qazanda Reseı basshysy Vladımır Pýtın 72 jasqa toldy.
