Búgin Qazaqstan prezıdenti Qasym-Jomart Toqaev Máskeý qalasyndaǵy jumys sapary aıasynda TMD memleketteri basshylary keńesiniń otyrysyna qatysý úshin Úlken Kreml saraıyna bardy. Bul týraly Aqorda jazdy, dep habarlaıdy “Adyrna” ulttyq portaly.
Aıta keteıik, buǵan deıin Qasym-Jomart Toqaevtyń Kreml saraıyna baratyny habarlanǵanyn jarııalaǵan edik. Degenmen sońǵy sátke deıin bul sapar týraly belgisiz bolyp kelgen.
Búgin Úlken Kreml saraıynda TMD-ǵa múshe memleketterdiń Memleket basshylary keńesiniń otyrysy ótip jatyr. Sammıt bastalar aldynda Vladımır Pýtın birneshe ekijaqty kezdesýler ótkizdi, birinshisi Ázerbaıjan prezıdenti Ilham Álıevpen bolatynyn Kremldiń baspasóz qyzmeti habarlaǵan bolatyn.
Bul kezdesý Reseı prezıdenti Vladımır Pýtınniń týǵan kúnimen tuspa-tus kelip otyr. 7 qazan kúni kórshi el basshysy 72 jasqa toldy.
Al keshe «Ej» Telegram arnasy prezıdent Qasym-Jomart Toqaevtyń Reseıge saparlaıtyn jospary joq ekenin, AES qurylysy boıynsha referendým nátıjelerine basa nazar aýdaratynyn málimdegen edi.
«Memleket basshysy referendým qorytyndysyn shyǵaryp, Qazaqstan halqyna úndeý jasamaq. Kún tártibinde jumys saparymen Reseıge barý jospary joq. Alaıda sıtýaııaǵa baılanysty sheshim erteń qabyldanady»,—dep jazǵan bolatyn arna Qazaqstan prezıdenti ákimshiligindegi derekkózge silteme jasap.
Aqparatqa sáıkes, TMD memleketteri basshylary keńesiniń otyrysynda birqatar kópjaqty qujattarǵa qol qoıý josparlanýda: ekonomıkalyq, mádenı-gýmanıtarlyq, quqyq qorǵaý jáne áskerı salalardaǵy yntymaqtastyqty tereńdetý. Sondaı-aq TMD-ǵa qatysýshy memleketter basshylarynyń Qazaqstan halqyna Joldaýyn qabyldaý, 1941–1945 jyldardaǵy Uly Otan soǵysyndaǵy Keńes halqynyń Jeńisine 80 jyl tolýyna baılanysty Dostastyq elderi men álem qaýymdastyǵy talqylanady.
