Úkimete Pavlodar men Qaraǵandy oblysyndaǵy dala órti máselesi shuǵyl qaraldy, dep habarlaıdy “Adyrna” ulttyq portaly.
Tótenshe jaǵdaılar mınıstri Shyńǵys Árinovtyń aıtýynsha, dala órtin óshirýge Abaı, Aqmola jáne Astana qalalarynan qosymsha kúshter tartyldy. Sondaı-aq, oqıǵa ornyna qorǵanys mınıstrligi men ulttyq ulannyń áýe kemeleri ushyp bardy.
“Pavlodar oblysy tarapynan Jeltaý aýylynyń 18 turǵyny kórshi aýyldyń evakýaııalyq pýnktine evakýaııalandy. Qazirgi ýaqytta Pavlodar oblysynyń aýmaǵyndaǵy dala órti tolyqtaı oqshaýlandy. Búgin de Qaraǵandy oblysy boıynsha osyndaı nátıjege qol jetemiz degen oıdamyz”,- dedi Árinov.
Ol barlyq qajetti is-sharalar qabyldanyp jatqanyn aıtty.
“Sonymen qatar búgin túnde Reseı jaǵynan Qostanaı oblysynyń Jetiqara aýdanyna 500 ga.dala órti bolyp, der kezinde sóndirildi”,- dep atap kórsetti mınıstr.
