Taldyqorǵanda Álem kýboginiń kúmis júldegeri, tuńǵysh «Qazaqstan Barysy» atanǵan Ulan Rysqul óz tańdaýyn jasady, dep habarlaıdy “Adyrna” ulttyq portaly.
Referendýmǵa jetisýlyq Rysqul Ulan №349 ýchaskesine baryp daýys berdi.
Rysqul Ulan dzıýdodan Qazaqstannyń úsh dúrkin chempıony, Azııanyń eki dúrkin chempıony, Álem kýboginiń kúmis júldegeri. «Qazaqstan Barysy» týrnıriniń tuńǵysh jeńimpazy daýys berip, óz pikirin bildirdi.
«Elimizdiń ósip-órkendep damyǵanyn qalaımyn. Sondyqtan el erteńine beı-jaı qaramaı, damý jolyndaǵy tyń bastamalardy qoldaý úshin keldim. Tańdaý jasadym. Búgingi kún barlyǵymyz úshin mańyzdy. Barsha qala halqyn referendýmnan qalys qalmaýǵa shaqyramyn»,- dedi chempıon.
