Áıelder úshin qaýipsiz elder reıtinginde Qazaqstan kórsetkishi tómendedi. Esepti Djordjtaýn Áıelder, beıbitshilik jáne qaýipsizdik ınstıtýty eki jylda bir ret shyǵarady. Bul týraly Ranking.kz jarııalady, dep habarlaıdy “Adyrna” ulttyq portaly.
Áıelder úshin beıbitshilik pen qaýipsizdiktiń jahandyq ındeksine sáıkes, 2023 jyly eń nashar elder Taıaý Shyǵys pen Afrıka memleketteri boldy.
Tómen upaıdyń negizgi faktorlary – ana óliminiń joǵary deńgeıi, bilim deńgeıiniń tómendigi jáne zorlyq-zombylyq deńgeıiniń joǵarylaýy. Áıelder úshin eń nashar elder Aýǵanstan (0,286 upaı) jáne Iemen (0,287 upaı) boldy.
Tizimge sonymen qatar OAR (0,378 upaı), Kongo (0,384 upaı), Ońtústik Sýdan (0,388 upaı), Býrýndı (0,394 upaı), Sırııa (0,407 upaı), Esvatını (0,415 upaı), Somalı (0,417 upaı) jáne Irak (0,424 upaı) kirdi.
Qazaqstan óz pozıııasyn nasharlatty: 59-shy orynnan birden 70-shi orynǵa tómendedi, al ındeks 0,761-den 0,729-ǵa deıin azaıdy. OA jáne EAEO memleketteriniń arasynda Qazaqstannan joǵary Armenııa (0,772 ball), Reseı (0,752 ball), Belarýs (0,733 ball) jáne Túrikmenstan (0,75 ball) ornalasqan.
Qazaqstannan tómen Tájikstan (0,69 ball), Ózbekstan (0,674 ball) jáne Qyrǵyzstan (0,673 ball) tur.
