Memleket basshysy búgingi jıynda halyqtyń depýtatqa degen senimi týraly pikir bildirdi, dep habarlaıdy “Adyrna” ulttyq portaly.
“Qazir jańa Bıýdjet jáne Salyq kodeksteri ázirlenip jatyr. Onda jergilikti ózin-ózi basqarýǵa qatysty reformanyń erekshelikteri eskerilýge tıis. Úkimet aýyl ákimderiniń bıýdjetin qalyptastyrý jáne ony jumsaý tásilderin qaıta qaraýy kerek. Jergilikti ózin-ózi basqarý júıesiniń qarjylyq derbestigin arttyrý úshin naqty usynystar ázirleýi qajet. Kodeks jobalaryn talqylaýǵa máslıhattar belsene qatysqany jón. Jergilikti bıýdjet qarjysynyń durys ári tıimdi bólinýi óte mańyzdy. Depýtattar bul máselege zor jaýapkershilikpen qaraýǵa tıis. Máslıhattar bıýdjet saıasatyn, túrli tólemderdiń shekti mólsherin, eldi mekenderdi abattandyrý jaıyn, basqa da máselelerdi udaıy baqylaýda ustaýy qajet”, - dedi Prezıdent Toqaev.
Sondaı-aq, Memleket basshysy respýblıkalyq bıýdjettiń kiris bóligi tolyq oryndalmaı jatqanyn atap ótti.
