Qyrǵyzstan prezıdenti eldegi dollarlyq mıllıarder men mıllıoner týraly aıtty, dep habarlaıdy "Adyrna" ulttyq portaly.
El prezıdenti «Kabar» agenttigine bergen suhbatynda mıllıonerlerdiń kópshiligi aqshasyn shetelde saqtaıtynyn atap ótti.
«Ol úshin biz zańdastyrý týraly zań qabyldadyq. Biraq olar osy ýaqytqa deıin aqshasyn elge tolyq qaıtarǵan joq. Qarajatty jartylaı qaıtaryp, qurylys salasyna salyp jatqandar da bar», - dedi Japarov.
Prezıdent ekonomıka men memleketke paıda ákeletin jobalardy qoldaýǵa ýáde berip, aýqatty adamdardy Qyrǵyzstanǵa ınvestıııa salýǵa da shaqyrdy. Dálirek aıtsaq, Japarov Tamshy áýejaıyna qarsy qonaqúıler salýdy usyndy.
«Elde toǵyz qonaqúı salý josparlanýda. Birinshisiniń qurylysy bastalyp ta ketti. Qonaqúıdi eki jyldan keıin paıdalanýǵa berýdi talap ettim. Men otandyq ınvestorlarymyz ben olıgarhtarymyzǵa úndeý jasaımyn», – dedi prezıdent.
Japarovtyń aıtýynsha, sheteldik ınvestorlarǵa qaraǵanda otandyq ınvestorlardan paıda basymyraq.
«Óıtkeni, taza tabys tolyǵymen bizdiń elde qalady. Biraq syrttan kelgen ınvestorlardan da zardap shekpeımiz. Olar aqsha salady, jumys oryndaryn ashady, salyq tóleıdi. Biraq báribir ózderine taza kiris alady», - dep túsindirdi memleket basshysy.
Jýrnalıstiń «Uly Rýstamnyń memlekettik isterge qatysy bar ma?» degen saýalyna Japarov jaýap berdi. Onyń aıtýynsha, Rýstam Ystyqkól oblysyndaǵy golf alańynyń qurylysyna ınvestorlar tartýmen aınalysady.
«Kelesi jyly ashylady dep kútilýde. Bul golf alańy búkil Ortalyq Azııadaǵy aýmaǵy boıynsha eń úlken alań bolady», - dedi prezıdent. Sondaı-aq ol Rýstamnyń Qyrǵyzstannyń ár aýylynda jaryqtandyrylǵan fýtbol alańdaryn salyp jatqanyn aıtty.
Osy suhbatta negizgi saýaldardyń biri bolǵan Ulttyq qaýipsizdik memlekettik komıtetiniń tóraǵasy Qamshybek Tashıevtiń uly Taı-Murastyń da eńbegi aıtyldy.
Prezıdent Japarov oǵan Ózgendegi aınalma joldyń qurylysy úshin alǵysyn aıtty.
«Biraq birde-bir kompanııa nemese jeke adam bul joldardy salýǵa nıet bildirgen joq, óıtkeni ınvestıııa uzaq merzimdi perspektıvada ǵana aqtalady. Sondyqtan «Taı-Muras» kompanııasyna Ózgent aınalma jolyn salǵany úshin alǵys aıtamyz. Biz oǵan osy jobaǵa ınvestor izdep, taýyp bergeni úshin alǵys aıtýymyz kerek», - dedi Japarov.
