Sarbaz Erbaıan Muhtar Stambýlǵa emdelýge jiberildi. Bul týraly otbasynyń quqyq qorǵaýshysy Inga Imanbaı óziniń jeke áleýmettik paraqshasynda málimdedi, dep habarlaıdy “Adyrna” ulttyq portaly.
Sarbazdy emdetýge jaqyndary 27 qyrkúıekte tańǵy segizde ushaqqa otyrǵyzyp jibergen.
— Erbaıan Stambýlǵa jolǵa shyqty. Ushaq búgin tańǵy segizde Astanadan ushty. Bul kúnge jetý de ońaıǵa soqqan joq. Toqtaýsyz kúres, talmaı eńbekpen keldi. Bastysy, keńpeıil halqymyzdyń meıirimi men janashyrlyǵynyń jemisi. Erbaıan, myqty bol! Bul jartylaı jeńis! Buıyrsa úlken jeńister alda. Seniń bar ómiriń alda. Aman-esen elge óz aıaǵyńmen oralýyńdy kútemiz,- dedi Inga Imanbaı.
Esterińizge salaıyq, byltyr jeltoqsan aıynda Almatydaǵy 5571 áskerı bólimniń ulttyq gvardııasynda qyzmet etken Erbaıan Muhtar kommaǵa túsken bolatyn. Áskerı bólimdegiler onyń ájethanada qulap, basyn plıtkaǵa soǵyp alǵanyn aıtyp, bul oqıǵany jazataıym jaǵdaı dep túsindirgen. Alaıda týystary buǵan senbeıdi.
