Ūlttyŋ bügını men keleşegı bılımdı ūrpaqtyŋ qolynda. Sauatty buyn taiau bolaşaqty basqaryp, jaŋa däuırdıŋ qaǧidalaryn meŋgeretını aian. Ol üşın jastarymyz daryndy, közınde oty oinaǧan jalyndy boluy şart. Jıgerlı jas, kemeŋger tūlǧa, ūlaǧatty ūrpaq tärbieleu ısı asa auyr ärı jauapkerşılıkke toly ıs. Būl rette äuelı bılımge onyŋ ışınde ruhani jan azyǧyn molaituǧa den qoiǧan abzal. El prezidentı Qasym-Jomart Toqaevtyŋ özı «Balalar – memleketımızdıŋ jarqyn bolaşaǧynyŋ kepılı. ...Öskeleŋ ūrpaqtyŋ üilesımdı damuy men baqytty balalyq şaǧy – bızdıŋ jalpyūlttyq mındetımız» degen edı. Tüidek sözdıŋ astaryndaǧy tüiın, ūrpaqqa töl ädebietımız ben mädenietımızdı nasihattap, qoǧamdyq sanany jaŋǧyrtumen astasyp jatyr.
Joǧaryda aitqan nasihattyŋ negızgı kıltı –bılım. Al, bılımnıŋ közı- kıtap. Sol sebeptı balalar üşın körkem ädebiet oqu ürdıske ainaluy tiıs. Būl sana biıgıne jetelep, sauatty buyndy arttyratyn tura jol.
Memleket basşysyda atalmyş mäselege jıtı nazar audarǧany mälım. Qasym-Jomart Kemelūly Türkıstanda ötken ūlttyq qūryltaida balalardyŋ bılımın jetıldıruge basymdyq beru qajettıgın basa aitty.
«Şyn mänınde, kıtap oqityn el ziialy ūltqa ainalady. Bız jas ūrpaqtyŋ kıtapqa qūştarlyǧyn oiatuymyz kerek. Būl qiyn mäsele ekenın tüsınemın. Äsırese, olardyŋ bar nazary äleumettık jelıde bolǧan kezde, tıptı, qiyn. Bıraq būl mäselemen şūǧyldanu kerek. Basqa jol joq»,-dedı Prezident.Aitylǧan oi ornyqty, şynymen ǧalamtor sanany torlaǧan zamanda zaŋǧar tūlǧaly ūrpaqty ösıru üşın kök jäşıktıŋ ışındegısın emes, arhivterde saqtalǧan qūndy jazbalardy paraqtap, sarabdal oilardy saralau älde qaida tiımdı. Tek, jıger men küş qajet. Öitkenı, sanaǧa sılkınıs engızu äste, qiyn!. Sondyqtanda, memleket basşysy «Balalar kıtaphanasy» atty baǧdarlamany ıske asyruǧa pärmen berdı. «Balalar kıtaphanasy» baǧdarlamasynyŋ basty maqsaty mektep kıtaphanalaryn maŋyzdy balalar ädebietımen qamtamasyz etu. Baǧdarlama aiasynda qazaq ädebietınıŋ är türlı janrlaryn qamtityn arnaiy tızım jasaqtaldy. Būl ıske jauapty täuleszı qoǧamdyq komissiia qyryq paiyzy klassikalyq ädebiet, 30 paiyzy «Täuelsızdık kezeŋındegı ädebiet» jäne qalǧan bölıgın älemdık ädebiettıŋ üzdık tuyndylarynan ırıktep, äzırlegen bolatyn. Balalar ädebietınıŋ atasy būl ärine, Berdıkbek Soqpaqbaev. Tuǧanyna 100 jyl tolǧan saŋlaqtyŋ tuyndylary san ūrpaqty tärbieledı. Būl qatada Saiyn Mūratbekov, Mūzafar Älımbaev, Qadyr Myrza Äli syndy jazuşylardyŋ şyǧarmalary ūrpaqty körkem ädebietpen susyndatty desek artyq aitqandyq emes. Jaŋa zamanda balalar ädebietınde qalamtartqandardyŋ qatarynda Kädırbek Qūnypiiaūlynyŋ esımı airyqşa atalady. Aǧa buynnyŋ ızın basqandarǧa keler bolsaq, būl tızımdı Esei Jeŋısūly («Mynau ǧaziz dünie»), Säule Dosjan («Bırtuar», «Auyldan şyqqan millioner»), Esbolat Aidabosyn («Qyzyl saqa»), Beibıt Sarybai («Aqtaban»), Älıbek Baibol («Ärıpter älemıne saiahat»), Rüstem Sauytbai («Qiial älemı»), Meiırjan Jylqybai («Qyryq bırınşı ötırıktıŋ soŋy») syndy jazuşylar tolyqtyrady. Olardyŋ qalamynan şyqqan tuyndy qazırgı kezde kıtapqa jany qūmar oqyrman üşın qoljetımdı. Onysy quantarlyqtai öitkenı, memleket basşysy balalardyŋ kıtapqa degen qūmarlyǧyn oiatyp, körkem şyǧarmany boiyna sıŋıru üşın jazbalar ärkez qol jetımdı boluy kerektıgın qadap aitqan edı. Prezidenttıŋ būl pärmenı mültıksız oryndalyp keledı. «Balalr kıtaphanasy» jobasy negızınde ırıktelgen kıtaptardyŋ 76 paiyzy otandyq avtorlardyŋ şyǧarmalary bolsa, 24 paiyzy älem ädebietınıŋ taŋdauly eŋbekterı. Otandyq şyǧarmalar qataryna Abai Qūnanbaev, Ahmet Baitūrsynov, Tahaui Ahtanov, Şerhan Mūrtaza, Berdıbek Soqpaqbaev synda qalamgerlerdıŋ şyǧarmalary endı. Al älem ädebietınıŋ tızımınde Ernest Hemenguei, Djek London, Rabindranat Tagor, Aleksandr Ostrovskii, Valter Skot, Mihail Lermontovtyŋ eŋbekterı bar. Resmi derekterge süiensek, el mektepterındegı balalarǧa arnalǧan kıtaptyŋ qory 40 milliondy qūraidy. Mūnyŋ syrtynda elektrondyq memlekettık kıtaphana qorynyŋ katalogyna 150 jazuşynyŋ eŋbegı engızılgenı jäne bar. Balalar ädebietın memlekettık qoldau jüielı türde jüzege asyrylyp keledı. Oǧan dälel, Qazaqstan Respublikasynyŋ prezidentı Qasym-Jomart Toqaevtyŋ jarlyǧyna säikes, Qazaqstanda 2021 jyl – «balalar ädebietı jyly» jäne 2022 jyl – «Balalar jyly» dep ataldy. 2021 jyly memlekettık baǧdarlamalardyŋ aiasynda balalarǧa arnalǧan älem jäne qazaq ädebietınıŋ ülgılerı aralas 100 kıtap jaryq kördı. Būl bastama elımızdegı kommersiialyq nemese memlekettık baspalardyŋ da balalar ädebietın damytuǧa üles qosuyna äser ettı dep aituǧa bolady. Būdan tys aqyn Baibota Qoşym-Noǧaidyŋ qūrastyruymen 10 tomdyq «Balalar ädebietınıŋ antologiiasy» şyqty. Sonymen qatar, soŋǧy bır-ekı jylda «Balalar poeziiasynyŋ antologiiasy» jäne «Balalar äŋgımelerınıŋ antologiiasy» jäne bırqatar qalamgerlerdıŋ jekelegen kıtaptary basylyp şyqty. Mūndai igı bastamalar Qazaqstandaǧy balalar ädebietın damytuǧa oŋ qadamdar jasala bastaǧanyn körsetedı. Qoryta kelgende, Qazaqstannyŋ täuelsızdık kezeŋındegı balalar ädebietı ärtürlı mazmūn men taqyryptardy qamtidy. Ädebiet te önerdıŋ bır türı bolǧandyqtan, oquşy-oqyrman özı ūnatqan tuyndylardy taŋdap oquǧa erkı bar. Ūlttyq sanany tamyrynan üzıp almai, jaŋa zamanǧa sai etıp beiımdeudıŋ basty tetıkterınıŋ bırı – jas ūrpaqty ūlttyq ädebietımızdıŋ qainar-közımen susyndata bılu. Būl balalardyŋ tanym kökjiegın arttyryp, ertegıler men äŋgımelerden paidaly aqparat, mol tälım aluyna septıgın tigızerı sözsız.
