Qazaqstanǵa Turan jolbarysy popýlıaııasyn qalpyna keltirý úshin Nıderlandydan eki amýr jolbarysy ákelindi, dep habarlaıdy «Adyrna» tilshisi.
Janýarlar arnaıy qurylǵan Ile-Balqash qoryǵy aýmaǵynda Ile ózeniniń saǵasyndaǵy 10 gektar aýmaqta qorshaý jaǵdaıynda ustalatyn bolady. Aldaǵy ýaqytta olardyń urpaǵyn tabıǵatqa jiberý josparlanyp otyr.
Eske salaıyq, 18 qyrkúıekte Ekologııa jáne tabıǵı resýrstar mınıstri Erlan Nysanbaev Májilis alańynda Qazaqstanǵa jolbarystardy jersindirý jospary týraly aıtqan edi. Ol buǵan deıin Ile ózeniniń jaǵasyndaǵy ormanda, Balqash ózenine quıatyn qamys ósetin alqapta Turan jolbarysy mekendegenin málimdedi.
