Aqtaýlyq er adam jalǵyz ulynyń ólimine aq halattylardy kinálaıdy, dep habarlaıdy "Adyrna" ulttyq portaly.
Informbıýro málimetinshe, ata-ana bir jasar Abdýllaǵa dárigerlerdiń bir aı boıy dıagnoz qoımaı, jumysyna salǵyrt qaraǵanyn aıtqan. Balanyń dene qyzýy túspeı, jansaqtaý bólimine túsken.
Ermek Nurbaev jalǵyz ulynyń qazasyna aq halattylardy kinálaıdy. Sebebi, dene qyzýy 39 gradýsqa kóterilip barǵanda dárigerler naýqasty birden qabyldamaǵan.
"Biz jedel járdemmen úsh ret bardyq, qatelespesem. Úsheýinde de qabyldamady. Tórtinshisinde barǵan kezde 18-inde áıteýir qabyldady. Aýrýhanaǵa jatqyzdy. 6 kún ótkennen keıin balaǵa pnevmonııa dep dıagnoz qoıdy. Balanyń gemoglabıni 70-ke túsip ketken. Bul týraly emdegen dárigeri de, basqalary da habarsyz. Ashýlanyp, balanyń densaýlyǵy kúrt nasharlap ketti dep suraǵan kezde "A,a biz bilmedik" dep shyqty. Balanyń jaǵdaıyna jiti mán beremiz, qadaǵalaımyz degeni ótirik", – dep qynjyldy ákesi.
Qara jamylǵan otbasy ádildikti talap etýde.
Al Mańǵystaý oblystyq densaýlyq saqtaý basqarmasy basshysynyń orynbasary Asqar Mahmutov óz isine salǵyrt qaraǵan mamandar tártiptik jazaǵa tartyldy dep otyr.
"Balanyń sepsıs dıagnozynan qaıtys bolǵany belgili boldy. Medıınalyq qujattar durys toltyrylmaǵany anyqtaldy. Bul qabyldaý bóliminiń qyzmetkerlerinen ketken qatelik. Jaýaptylarǵa tártiptik jaza taǵaıyndaldy. Quqyq qorǵaý organdaryna búkil qujat jiberildi", – dedi basqarma basshysy.
PD "medıına qyzmetkeriniń kásiptik mindetterin tıisinshe oryndamaý" baby boıynsha tergeý júrgizip jatqanyn habarlady.
