2024 jyldyń 16 qyrkúıeginde Germanııanyń Federaldy kanleri Olaf Shol Maqsut Narikbayev University stýdentterimen ashyq kezdesý ótkizdi. Bul Olaf Sholtiń Qazaqstandaǵy ekijaqty qarym-qatynastardy nyǵaıtýǵa baǵyttalǵan resmı is-sapary aıasyndaǵy kezdesýleriniń biri boldy.
MNU Basqarma Tóraǵasy Talǵat Nárikbaev Federaldy kanler Sholke búgingi kezdesý úshin jáne ekijaqty qarym-qatynasty damytýdyǵy erekshe nazaryna alǵysyn bildirdi.
«Búgin sizdi ýnıversıtet qabyrǵasynda qarsy alý - biz úshin úlken mártebe. Biz óz kezegimizde jahandyq úderiske baǵdar alǵan bilim berý júıesin damytyp jatqanymyzdy maqtan tutamyz. Jaqynda akademııalyq baılanystardy nyǵaıta otyryp, Frankfýrttaǵy Eýropalyq Vıadrına Ýnıversıtetimen kelisimge qol qoıdyq. Nemis ýnıversıtetteri jáne elshilikpen áriptestik – Qazaqstan men Germanııa arasyndaǵy qarym-qatynastardy damytýǵa qosqan úlesimiz. Osy oraıda sizge ýaqyt bólip kelgenińizge alǵysymyzdy bildiremiz. Bul dıalogtyń bizdiń stýdentter úshin asa mańyzdy bolatynyna senimdimin», - dedi Basqarma Tóraǵasy.
Kezdesý barysynda Olaf Shol ýnıversıtet stýdentterimen ashyq suraq-jaýap sessııasyn ótkizdi. Is-shara aıasynda halyqaralyq saıasattyń ózekti taqyryptary, Qazaqstan-Germanııa yntymaqtastyǵynyń keleshegi, qarqyndy tehnologııalyq jáne áleýmettik ózgerister dáýirinde jastar aldynda ashylatyn jahandyq syn-qaterler men múmkindikter talqylandy.
Kanler MNU stýdentiniń Qazaqstan men Germanııanyń odan ári yntymaqtastyǵy týraly suraǵyna jaýap bere otyryp, elder arasyndaǵy aqparat pen tájirıbe almasýdyń erekshe ekendigin atap ótti.
«Bul ekijaqty damýǵa yqpal etip qana qoımaı, ózara paıdaly bolýǵa múmkindik beredi. Sebebi yntymaqtastyq jáne múmkindiktermen almasý - álemdik ózara baılanystyń negizgi aspektilerine aınalýda. Germanııa óz kezeginde qazirgi zamanda halyqaralyq qatynastarda sheshýshi ról atqaratyn tetiktiń biri, ıaǵnı aqparat almasýǵa jáne seriktestik qatynastaryn nyǵaıtýǵa árdaıym ashyq», - dedi ol.
Sonymen qatar Shol quqyqtyq saýattylyqtyń mańyzdylyǵyn atap ótti. Ol bilim berý mekemeleri men BAQ adamdarǵa óz quqyqtary men zańnamalaryn jaqsy túsinýge kómektesýi kerektigin aıtty. Onyń pikirinshe, quqyqtyq saýatsyzdyqpen kúresý – adamdarǵa óz quqyqtary men múmkindikterin tolyq paıdalanýǵa kómektesedi.
Olaf Sholtyń sapary Maqsut Narikbayev University men Qazaqstannyń joǵary bilim berý júıesi úshin mańyzdy oqıǵa boldy. Buǵan deıin ýnıversıtet Franııa Prezıdenti Emmanıýel Makron jáne NATO-nyń qazirgi Bas hatshysy Mark Rıýtte sııaqty álemdik kóshbasshylardy qabyldady, bul óz kezeginde MNU-diń halyqaralyq akademııalyq almasý ortalyǵy retindegi mártebesin rastaıdy. Mundaı álemdik deńgeıdegi kóshbasshylarmen kezdesýler stýdentterge baǵa jetpes tájirıbe usynady. Sondaı-aq olardyń kókjıegin keńeıtip, jahandyq úderisterdi tereńirek túsinýge kómektesedi.
