Búgin, 20 qyrkúıek Býdapeshte (Vengrııa) ótip jatqan shahmat Olımpıadasynyń segizinshi raýndy aıaqtaldy. Qazaqstan quramasy Olımpıada úzdikteriniń qataryna endi. Bul týraly Qazaqstan shahmat federaııasy málimdedi, dep habarlaıdy “Adyrna” ulttyq portaly.
Qazaqstannyń áıelder quramasy týrnır kestesinde tórtinshi orynda turǵan Franııanyń ulttyq komandasymen kezdesti. 8-shi raýndta Qazaqstan atynan kelesi oıynshylar shyqty: Bıbisara Asaýbaeva, Merýert Kamalıdenova, Amına Kaırbekova jáne Alýa Nurman.
Birinshi partııada Merýert Kamalıdenova franııalyq Sofı Mılemen oınady. Franııa shahmatshysy utty.
Kelesi eki partııada komanda kapıtany Bıbisara Asaýbaeva Deımanta Daýlıte-Kornetti, Alýa Nurman Polına Gıshardy jeńdi. Osylaısha olar qurama qorjynyna 2 ball qosty.
Sońǵy partııada Amına Kaırbekova men Natasha Benmesba kezdesip, oıyn teń aıaqtalyp, eki komandaǵa jarty baldan berildi.
Tórt partııanyń qorytyndysy boıynsha 2,5:1,5 esebimen Qazaqstan ulttyq komandasy jeńiske jetip, Úndistan, Polsha komandalarymen birge úzdikter qataryna qosyldy.
Toǵyzynshy raýndta Qazaqstan quramasy týrnır kestesinde ekinshi turǵan Polsha komandasymen kezdesedi.
