Almaty prokýratýrasy ótken jyldyń 2023 jyldyń 30 qarashasynda 13 adamnyń ómirin qıǵan jataqhanadaǵy qaıǵyly órttiń tergeýi aıaqtalǵanyn málimdedi. Is sotqa joldandy, dep habarlaıdy “Adyrna” ulttyq portaly.
“Eki adam qylmystyq jaýapkershilikke tartylady. Aıyptaý aktisi bar qylmystyq is Almaly aýdanynyń sotyna máni boıynsha qaraý úshin jiberildi,” — dedi Almaty prokýratýrasy.
Aıta ketsek, 2023 jyly 30 qarasha kúni tańǵy saǵat 5:33 shamasynda Ádı Sharipov kóshesi, 86 mekenjaıyndaǵy Almaty Hostel jertóle úı-jaıy órtke oranǵan. Janý alańy – 30 sh.m. 13 adam qaza tapty. Órt ornynan 59 adam evakýaııalandy, onyń úsheýi jedel-járdemmen aýrýhanaǵa jetkizildi.
Órt faktisi boıynsha qylmystyq is qozǵaldy.
Jataqhanalardy jertóle jáne jertóle qabattarynda ornalastyrýǵa sanıtarlyq-epıdemıologııalyq talaptardyń 23-tarmaǵyna sáıkes tyıym salynady.
