Reseı Dúnıejúzilik kóshpendiler oıyndaryn ótkizý múmkindigin qarastyrýda, dep habarlaıdy "Adyrna" ulttyq portaly. Bul týraly TASS agenttiginde ótken baspasóz máslıhatynda Reseıdiń Ulttyq jáne olımpıadalyq emes sport túrleri komıtetiniń vıe-prezıdenti Igor Pavlıýk aıtty.
Bıylǵy Qazaqstanda ótken kóshpendiler oıyndarynda Reseı quramasy jalpy medaldar sany boıynsha úshinshi oryndy ıelendi. Oıyndar eki jylda bir ret ótedi. Kelesi oıyndardy Qyrǵyzstan qabyldaıdy.
"Bizde oılanýǵa ýaqyt bar, - dedi Pavlıýk, - Oıyndardy ótkizý quqyǵyna ıe bolmas buryn, retteý deńgeıinde turǵan birqatar máselelerdi sheshý kerek. Biz árıne daıynbyz, eger Reseıde qandaı da bir is-shara ótkiziletin bolsa jastar aıtqandaı ol árqashan overtop bolatyny sózsiz" deıdi ol.
Memlekettik Dýmanyń ulttar isteri jónindegi komıteti tóraǵasynyń birinshi orynbasary Ildar Gılmýtdınov Dúnıejúzilik kóshpendiler oıyndary kezinde «birqatar respýblıkalardyń joǵary laýazymdy tulǵalary Qazaqstanǵa kelip, kirý perspektıvalaryn talqylady» dep atap ótti.
Eske sala keteıik, bıyl besinshi dúnıejúzilik kóshpendiler oıyndary Astana qalasynda ótti. Qazaqstannyń ulttyq quramasy 44 altyn, 33 kúmis, 37 qola júlde alyp, komandalyq esepte birinshi orynǵa ıe boldy.
