Abaıtanýshy, alashtanýshy ǵalym, jazýshy Tursyn Jurtbaıdyń birneshe kitaby bir mezgilde qaıtara jaryq kórdi. «Atamura» jáne «Qasym baspa úıi» baspalarynan shyqqan kitaptar qazir kitap dúkenderi men ınternet arqyly satylyp jatyr.
«Atamura» baspa korporaııasynyń prezıdenti Rahymǵalı Qul-Muhammed Facebook áleýmettik jelisindegi paraqshasynda 14 qyrkúıekte jazýshynyń osy baspadan shyqqan kitaptary týraly jazdy. «Keshe belgili jazýshy, ádebıetshi-ǵalym, abaıtanýshy, áýezovtanýshy, alashtanýshy, fılologııa ǵylymdarynyń doktory, professor Tursyn Jurtbaı aǵamyzdy qabyldap, sııasy keppegen alǵashqy qalamaldy prozalyq týyndylarynan turatyn «Bolashaqtyń báıteregi», «Abaı joly» roman-epopeıasynda beınelengen kórkem shyndyqty salystyra otyryp, qazaq tarıhyndaǵy jetekshi tulǵanyń biri Qunanbaıdyń ulttyq rýhanııattan alatyn ornyn saralaıtyn ǵylymı eńbek «Qunanbaı nemese jábir sultany» (2 kitap), kóshpeliler álemi men túrki jurtynyń eki myń jyldyq tarıhy jeke tulǵalardyń taǵdyry arqyly taldanatyn «Dýlyǵa» (4 kitap) atty kitaptaryn qolyna tapsyrdym»,- dep jazǵan «Atamura» basshysy.
Baspager atap kórsetkendeı, jazýshynyń «Qunanbaı nemese jábir sultany» kitabynyń 2 tomy, «Dýlyǵa» kitabynyń 4 tomy birden qatar oqyrmanǵa jol tartqan.
Rahymǵalı Qul-Muhammedtiń jazýynsha, «Atamura» baspasynan buǵan deıin Abaıdyń shyǵarmashylyq ómirine, kórkem álemine jáne oılaý júıesi men psıhologııasyna qatysty T. Jurtbaıdyń uzaq jyldarǵy zertteý eńbekteriniń tujyrymynan týyndaǵan «Tolyq adam» atty eki tomdyǵy da jaryq kórgen.
Budan basqa jazýshy Tursyn Jurtbaıdyń eki birdeı prozalyq jınaǵyy «Qasym baspa úıi» baspasynan shyqqan. Bul jınaqtar «Qar astyndaǵy kóbelek» jáne «Túıeshiniń qyzy» dep atalady.
Jazýshynyń qaıtara jaryq kórgen kitaptary kitap dúkenderinde jáne ınternet jelisinde satylýda.
Tursyn Jurtbaı – «Zamandasym, syrlasym» (1976), «Qońyr qaz» (1978), «Júregimde jumyr jer» (1980), «Besqarager» (1982), «Dara tulǵa» (1984), «Jer - besik» (1985), «Babochka pod snegom» (orys tilinde, 1990), «Talant Kalıbeka» (1992, orys tilinde), «Bolashaqtyń báıteregi» (2007) atty kórkem shyǵarmalardyń avtory. Jazýshynyń buǵan deıin «Beıýaq» (1990), «Dýlyǵa» (1-2 kitap, 1994), «Ketbuǵa» (1996), «Besigińdi túze!», «Talqy» (1997), «Mýhtar Omarhanovıch Aýezov» (túrik, orys tilderinde, Ankara,1997), «Kúıesiń, júrek... súıesiń!» (2001), «Besigińdi aıala!» (2002), «Qunanbaı» (2004), «Súre sóz» (2005), «Dýlyǵa» (qaıta basylymy, 2007), «Uranym - Alash!..» (2007) atty derekti ǵylymı-zertteý kitaptary shyqty.Tursyn Jurtbaıdyń ǵylymı jetekshiligimen «M.O.Áýezovtiń ómiri men shyǵarmashylyq shejiresi» (1997), «Muhtar Áýezov týraly estelikter» (1997), «Áýezov álemi» (1997), «Abaı joly» roman-epopeıasynyń ǵylymı-tekstologııalyq salystyrýdan ótken basylymy (1997), M.O.Áýezov shyǵarmalarynyń elý tomdyq tolyq jınaǵynyń 1-7 tomdary (1997-2001), M.Áýezovtiń «Eskermedim, qabyldamadym...» (1998) atty ashyq hattar jınaǵy jaryq kórdi jáne onyń qatysýymen «Muhtar Áýezov» enıklopedııasy daıyndaldy.
Tursyn Jurtbaı 1990 jyldan bastap Abaı atyndaǵy Almaty memlekettik ýnıversıtetinde, ál-Farabı atyndaǵy qazaq memlekettik Ulttyq ýnıversıtetinde, Qazaqstan Respýblıkasy Prezıdentiniń memlekettik qyzmet Akademııasynda, L.N.Gýmılev atyndaǵy Eýrazııa ulttyq ýnıversıtetinde abaıtaný, áýezovtaný, jazýshynyń shyǵarmashylyq psıhologııasy, Eýrazııa romandary, Eýrazııa romandarynyń tıpologııasy, halyq aýyz ádebıeti - tarıhı derek kózi retinde, ádebıettanýdyń ózekti máseleleri, týyndyny ǵylymı taldaý, sóz mádenıeti (saıası sheshendik) boıynsha arnaıy kýrstardan dáris beredi. 2006 jyly aqpan-shilde aılary aralyǵynda Qytaı Halyq Respýblıkasynyń Ortalyq memlekettik Ulttar ýnıversıtetinde (Pekın qalasynda) professor retinde qazaq ádebıeti men mádenıetiniń tarıhy, bútingi qazaq ádebıeti, abaıtaný, áýezovtaný pánderi boıynsha dáris berdi. «Beıýaq» monografııasynyń negizinde kandıdattyq (1992), «Besigińdi túze» zertteý kitaby negizinde doktorlyq (2000) dıssertaııalar qorǵady. 2002 jyly professor ǵylymı ataǵy berildi.Kórkem shyǵarmalary men zertteý eńbekteri álemniń 15 tiline, al ǵylymı eńbekteri IýNESKO-nyń resmı tilderine aýdarylǵan. M.Ikbaldyń, S.Togeniń, L.Sheralıdiń, V.Shefnerdiń, R.Rojdestvenskııdiń, S.Qapaevtiń jáne t.b. óleńderin qazaq tiline aýdarǵan.
Tursyn Jurtaı – Qazaqstan Jazýshylar odaǵynyń Sh.Qudaıberdiuly atyndaǵy «Alash» jáne I.Jansúgirov atyndaǵy ádebı syılyqtardyń laýreaty.
Janat Alǵadaı
