2024 jyldyń alǵashqy segiz aıynda Tashkent meshitterinen 8 ımam (ýaǵyzshy) men olardyń 10 orynbasary jumystan shyǵaryldy. Olar óz qyzmetinde qatelikter jiberip, qyzmettik mindetterin durys oryndamaǵan. Bul týraly Ózbekstan Musylmandary basqarmasynyń baspasóz qyzmeti jarııalady, dep habarlaıdy “Adyrna” ulttyq portaly.
Anyqtalǵandaı, esepti kezeńde osyǵan uqsas quqyq buzýshylyqtar úshin taǵy 4 din qyzmetkeri tártiptik jazaǵa tartylǵan. Bul statıstıka Ózbekstannyń dinı basqarmasynyń basshysy, múftı sheıh Nýrıddın Holıknazardyń tóraǵalyǵymen ótken elorda ımam-hatıbteriniń synı-saraptamalyq jıynynda aıtyldy.
Holıknazar Tashkent ımamdaryn qatty synǵa alyp, olardyń keıbireýleri «negizgi mindetine nemquraıly qaramaıdy, dindarlardyń muń-muqtajyn qamtamasyz etýge jetkilikti kúsh salmaıdy, sondaı-aq atqarý tártibin buzýǵa jol beredi» dedi.
Bólimmen belgilengen tártipti, eńbek shartynyń talaptaryn jáne laýazymdyq nusqaýlyqtardy saqtamaǵan din qyzmetkerlerine shara qoldanyldy.
Sondaı-aq, ol barlyq meshit ýaǵyzshylaryn óz qyzmetterin jetildirip, biliktilikteri men bilimderin shyńdaýǵa, sharıǵatqa laıyqty qyzmetshiler bolyp, paryzdaryn «jalyndy mahabbatpen, taqýalyqpen jáne qulshylyqpen» atqarýǵa shaqyrdy.
