Qazaqstan Olımpıadadan júlde alǵan sportshylaryna eń kóp syıaqy beretin bes eldiń qatarynda ekeni aıtyldy, dep habarlaıdy "Adyrna" ulttyq portaly.
CNBC Ulttyq Olımpıada komıtetterinen, Sport qaýymdastyqtarynan jınaǵan aqparatqa negizdelgen keıbir somalardy jarııalady.
Gonkong sportshylar úshin eń jomart memleket atanyp, birinshi orynda tur. Onda sportshylarǵa birinshi oryn úshin 768 myń dollar ýáde etilgen. Gonkong sportshylary bıyl Olımpıadada eki altyn jáne eki qola medal jeńip aldy.
Sıngapýr da óz olımpıadashylaryn jomart túrde marapattaıdy. Onda altyn úshin 745 myń dollar tólenedi. Alaıda bul oıyndarda sıngapýrlyq sportshylardyń eshqaısysy jeńis tuǵyrynyń eń bıik satysyna kóterilgen joq. Jalǵyz qola medal óz ıesine 186 myń dollar ákeledi.
Buǵan deıin Tokıo Olımpıadasynda altyn medal úshin 746 000 dollar tólegen Indonezııa eli óz bonýstaryn 300 000 dollarǵa deıin azaıtty. Dese de bul kórsetkish ony áli de eń kóp syıaqy tóleıtin elderdiń qatarynda qaldyrdy.
Qazaqstandy Olımpıada jeńimpazdaryna tóleıtin syıaqy kólemi boıynsha TMD elderi arasynda kósh bastap tur, al álem boıynsha joǵaryda atalǵan elderden basqa Izraılden keıin ekinshi orynda tur. Turaqty jáne qomaqty tólemderdiń arqasynda Qazaqstan Olımpıada júldegerlerine eń kóp syıaqy beretin alǵashqy 5 eldiń qataryna qosyldy.
