Parıjdegi Olımpıadada jynysyna qatysty daýǵa ushyraǵan sportshy bar shyndyqty jaıyp saldy, dep habarlaıdy "Adyrna" ulttyq portaly Reuters-ke siltep.
Genderlik janjalǵa ushyraǵan aljırlik boksshy Iman Helıf árdaıym áıel bolǵanyn jáne áıel bolyp qala beretinin aıtty. Onyń sózinshe, sportshynyń aıaǵynan shalǵandar kóp bolǵan.
«Bul altyn medal — maǵan qarsy júrgizilgen naýqanǵa eń jaqsy jaýap boldy. Men de kez kelgen áıel sııaqty áıelmin. Áıel bolyp týyldym jáne áıel retinde ómir súrdim, biraq kúndes dushpandarym bar», — dedi Helıf.
25 jastaǵy Helıf Olımpıada fınalynda qytaılyq Ian Lıýdi jeńip, chempıon atandy.
«Bul meniń armanym edi. Segiz jyl uıqysyz ótti, segiz jylym sharshaýmen ótti. Endi mine Olımpıada chempıonymyn. Óte qýanyshtymyn. Meni qoldaýǵa kelgen barlyq adamdarǵa, búkil Aljırge, Parıjge alǵys aıtqym keledi», — dedi Helıf.
Aıta keteıik, BAQ betterinde Iman Helıftiń jynysyna qatysty túrli aqparattar tarap ketken bolatyn.
