Parıj Olımpıadasynda grek-rım kúresinen el qorjynyn kúmis medalmen tolyqtyrǵan Demeý Jadyraev elge oraldy, dep habarlaıdy “Adyrna” ulttyq portaly.
Demeý Jadyraevty Almaty áýejaıynda Almaty oblysy ákimdigi, jaqyndary men jankúıerleri, jýrnalıster, Qorǵanys mınıstrligine qarasty ortalyq sport klýbynyń ókilderi sán-saltanatpen qarsy aldy.
"Barlyǵyńyzdy quttyqtaımyn! Alla aldaryńyzdan jarylqasyn! Meni qoldap jatqan adamdarǵa alǵys aıtamyn! Bul jeńiske sizderdiń arqalaryńyzda jettim. Barlyǵyńyzǵa rahmet! Endi 2028 jylǵy Olımpıadaǵa daıyndalamyz. Eshteńe kedergi bolmaýy kerek", - dedi sportshy.
Eske sala keteıik, Demeý Jadyraev Parıjdegi olımpıada oıyndarynyń fınalynda utylyp, kúmis júldeger atandy. 77 keli salmaqta synǵa túsken balýanymyz fınalda japondyq balýan Nao Kýsakamen ese jiberdi.
