Parıjdegi Jazǵy oıyndar olımpıadasy máresine jaqyndap qaldy. Elden barǵan sportshylardyń osy jolǵy jáne aldyńǵy Olımpıadadaǵy jetistigi men jeńisi qandaı bolǵan edi?
Endi birer kúnde Olımpıada da aıaqtalmaq. Jankúıerin bir kúıintip, bir súıintken Qazaqstan sportshylarynyń betalysy komandalyq turǵydan alǵanda asa maqtaıtyndaı emes.
PARIJ PEShENESI
Tórt jylda bir ótetin Olımpıada báıge dzıýdoshy Eldos Smetovtiń altynǵa qol jetkizýimen, Ǵusman Qyrǵyzbaevtyń - qola, nysana kózdeýden Islam Sátpaev pen Aleksandra Le ekeýi qola medal enshileýimen bastalǵany áýelde qýantqan.
Áıelder quramasynan boksshy Nazym Qyzaıbaı 50 keli salmaqta álem chempıony, Azııa oıyndary jeńimpazy Vý Iýden desi basym bola almaǵannan jáne shalt qımyl jetispegennen qolany alqa qylsa, otandasymyz Nurbek Oralbaı alǵashqy Olımpıadasynda-aq aqtyq kezeńge deıin ótip, ýkraınalyq Aleksandr Hıjnıakqa tym-tym ańǵarympazdyǵynan ári qarsylasy lypylynan kúmis ıegeri atandy.
Grek-rım kúresinen Demeý Jadyraevtyń kúmis medal ıelendi. Sheshýshi básekede 77 keli salmaq dárejesinde qazaqstandyq palýan japonııalyq Nao Kýsakadan upaı jaǵynan alǵa ozǵanmen, sońyna qaraı ákki básekeles tásilqoılyǵy men qorǵanysy arqasynda utys sonyki ekenin aıqyn bildirgendeı.
ALDYŃǴY OLIMPIADA OIYNDARYNDA QALAI BOLDY?
2016 jyly Rıo-de-Janeıroda 69 keli salmaqta Danııar Eleýsin esimdi azamat qorjynymyzǵa altyn medal qosqany bar-dy. Taǵy bir sportshymyz Ádilbek Nııazymbetov 81 keli salmaqta kýbalyq Hýlıo Sesarý La Krýsqa 0:3 esebimen ese jiberip, 2011 jáne 2013-jyldardaǵy álem chempıonaty fınalynan bergi úshinshi kezdesýi kúmis júlde utýymen aıaqtaldy. Kúres barysynda Hýlıo tipten jerge sulap ta tústi, áıtkenmen tóreshiler buny nokdaýn dep eseptemedi. Ádilbek qansha keremetteı ádis qoldanǵanmen, 1 upaı ańsary aýǵan jeńisten aıyryp turdy-aq.
2020-shy jylǵy Olımpıada Qazaqstan ulttyq quramasy úshin asa ónikti boldy dep aıta qoımaspyz. Bokstan da, óńge sport túrlerinen de sol ýaqta buıyryp turǵany qola medal edi.
Máselen, Qamshybek Qońqabaev deıtin boksshymyz 91 keli salmaqta amerıkalyq Rıchard Torrezben bylǵary qolǵap túıistirip, ekinshi raýndta qazylar sportshymyzdy birer upaıdan aıyryp, sońyna taman nokdaýnǵa ketkeni bar-dy. Úshinshi raýndta Qamshybek tym aýyr soqqy alýy saldarynan jekpe-jekti toqtatyp, aqtyq kezeńge ótpeı qalady.
Sáken Bıbosynovqa kelsek, 52 keli salmaqta óner kórsetken boksshymyz brıtanııalyq Galal Iafaıdan jeńilip, fınalǵa shyǵa almap edi. Alǵashqy raýndta Sáken qarsylas soqqysyn ańdap úlgermeı, nokaýtqa kete jazdady-aq. Sodan ba eken, otyrǵan tóreshiler óz daýysyn Galalǵa bergeni. Ekinshi raýndta sportshymyz boı-oıyn jıyp, 3:2 esebimen bárin qalypqa keltirgenmen, soǵan qaramastan úshinshisinde qazylar brıtanııalyq boksshyny jeńimpaz dep tanıdy.
Bıydǵy Parıjdegi Olımpıada oıyndary jankúıer bitkenniń jan-júregin dirildetip te atqaqtatyp jatqany ras-aq. Áıgi kásibı boksshy Muhammed Álı aıtqandaı «Chempıon sport zalynan ónip shyqpaıdy. Chempıondy ishki dúnıeniń tereń qatparyndaǵy tilek, arman, kózqaras týyndatady».
Arýjan Aǵybaeva
Ál-Farabı atyndaǵy QazUÝ
jýrnalıstıka fakýlteti
4 kýrs stýdenti
